web counter
LEXO PA REKLAMA!

SHKARKO APP

App Store
Google Play

E fundit!

x

Dogjën karriget e parlamentit/ Kuvendi: Deputetët e opozitës do të paguajnë dëmin financiar

1 Tetor 2024, 13:03, Aktualitet CNA

Dogjën karriget e parlamentit/ Kuvendi: Deputetët e opozitës do

Deputetët e opozitës janë nën hetim për shkak të dhunës së ushtruar një ditë më parë në parlament.

Ata dogjën karriget para Kuvendit dhe për këtë Kuvendi i Shqipërisë thekson se do të paguajnë dëmin financiar e shkaktuar, pasi ato janë një pronë publike që mirëmbahen nga taksat e shqiptarëve.

“Kuvendi i Shqipërisë, si institucioni më i rëndësishëm kushtetues që mishëron vullnetin e popullit nëpërmjet të zgjedhurve të vet, u sulmua dje si kurrë më parë dhe u përball me akte të rënda, deri në zjarrvënie, të dënueshme në aspektin e legjislacionit shqiptar dhe absolutisht të papranueshme në çdo aspekt tjetër.

Veprimet e ndërmarra nga deputetët e përfshirë, përmes goditjes me sende të forta ndaj personave të tjerë dhe djegies, shkatërrimit dhe dëmtimit të pajisjeve në sallën e seancave plenare, kanë shkaktuar përveç veprave penale edhe dëmtime të rënda të pronës publike.

Kuvendi i Shqipërisë, ka ngritur një grup pune për të bërë vlerësimin e dëmeve të shkaktuara dhe në përfundim të këtij vlerësimi, deputetët e përfshirë do të ngarkohen me përgjegjësinë e dëmshpërblimit të plotë financiar. Karriget e djegura prej tyre nuk janë të tyret, po janë të popullit shqiptar dhe janë blerë e mirëmbahen ashtu si edhe të gjitha pajisjet e tjera, me taksat e shqiptarëve. Zëvendësimi i plotë i tyre dhe i çdo pajisjeje tjetër të dëmtuar do të bëhet ekskluzivisht me të ardhurat që do t’u mbahen nga paga deputetëve të përfshirë.

Kuvendi i Shqipërisë u kujton të gjithëve se ky institucion është besimi dhe vullneti i popullit dhe populli nuk është një karrige që digjet, po është sovrani që shërbehet deri në fund nga Kuvendi për besimin dhe vullnetin e tij”, thuhet në reagim./ CNA





Lajmet e fundit nga