web counter
LEXO PA REKLAMA!

SHKARKO APP

App Store
Google Play

E fundit!

x

"Do të pyeten shtatë dëshmitarë"/ Ja kur do të mbahet seanca e radhës për dosjen "Partizani"

15 Prill 2026, 12:27, Aktualitet CNA

"Do të pyeten shtatë dëshmitarë"/ Ja kur do

Seanca e radhës për dosjen “Partizani” do të mbahet më datë 30 në orën 12:30. Avokati i kryedemokratit Sali Berisha, Genc Gjokutaj, foli për mediat pas daljes nga Gjykata e Posaçme, ku tha se në seancën e radhës do të pyeten shtatë dëshmitarët e parë. Lidhur me thirrjen e kryeministrit Edi Rama si dëshmitar, avokati tha se ishte domosdoshmëri.

“Gjykata nuk ka pranuar provat që ne kemi paraqitur për Ramën dhe thirrjet e tij për këtë çështje. Ky është vendim i padrejtë sepse Gjykata ka thënë do të shprehemi në lidhje me mantelin politik të kësaj çështjeje në vendimin përfundimtar.

Gjykata nuk pranoi të merrte CD me pretendimet tona se kjo nuk është një çështje ligjore. Thirrja e kryeministrit ishte domosdoshmëri që nuk mund të anashkalohet. Do të presim për dëshminë e tij. Seanca u shty për në datë 30, ora 12:30 për të pyetur shtatë dëshmitarët e parë. Ne kemi dy vjet që merremi më këtë çështje dhe e dimë pozicionin e Ballës dhe Ramës. Kur bëmë kërkesat për thirrjen e tyre e kemi të qartë pse e kërkojmë dhe i kemi edhe pyetjet gati.

Zoti Berisha nuk mund të dëshmojë se ka tjetër pozitë procedurale. Në momente të tjera prezenca e tij do të jetë e domosdoshme. Nuk kemi marrë akoma procesverbalin, ku janë të gjithë detajet e vendimmarrjes së sotme, sepse vendimi ishte tepër i gjatë në lidhje me të gjitha provat dhe subjektet e këtij procesi”, tha Gjokutaj.

Nga hetimet për këtë dosje janë marrë të pandehur 8 persona, mes të cilëve edhe Berisha dhe dhëndri i tij, Jamarbër Malltezi. Ndaj tyre, GJKKO ka caktuar masën e sigurisë “detyrim paraqitje”. Kujtojmë se në Gjykatën e Posaçme ka nisur gjykimi me themel për dosjen “Partizani”. /CNA





Lajmet e fundit nga