web counter
LEXO PA REKLAMA!

SHKARKO APP

App Store
Google Play

Dhuna ndaj shqiptarëve në Malin e Zi/ Identifikohen tre prej autorëve, çfarë thonë autoritetet

7 Janar 2024, 10:20, Aktualitet CNA
Dhuna ndaj shqiptarëve në Malin e Zi/ Identifikohen tre prej
Foto ilustruese

Autoritetet malazeze kanë identifikuar tre prej autorëve të dhunës ndaj shtetasve shqiptarë në Mal të Zi.

Sipas informacioneve të policisë malazeze, shkak i ngjarjes ka qenë një situatë në trafik.

 “Policia ka shkuar në vendngjarje ku kanë konstatuar tre persona, të gjithë shtetas shqiptarë, të cilët kanë pasur lëndime dhe më pas janë drejtuar për të kërkuar ndihmë mjekësore.Policët kanë ndërmarrë veprime në kuadër të juridiksionit të tyre për të përcaktuar të gjitha rrethanat në të cilat ndodheshin personat e lënduar, dhe për të zbardhur ngjarjen”, thuhet në njoftim.

Shtohet se efektivët e policisë kanë identifikuar tre persona nga Herceg Novi si autorë të sulmit fizik, identiteti i të cilëve është përcaktuar më pas.

“Për ngjarjen është njoftuar prokurori kompetent, i cili do të deklarojë kualifikimin e tij ligjor pas ndërmarrjes së masave dhe veprimeve të mëtejshme të urdhëruara në lidhje me këta persona, por edhe për identifikimin e autorëve të tjerë të mundshëm, për të cilët publiku do të njoftohet në vijim. Personat e sulmuar ndodheshin në një automjet pa targa të Republikës së Shqipërisë dhe sipas informacioneve të deritanishme, d.m.th. ngjarja ka ndodhur për shkak të një situate në trafik”, thuhet në njoftimin e policisë./ CNA

 





Lajmet e fundit nga