“Dhjetëra milionë nga rrugët”/ Berisha: Carlo Bollino, një hajdut me çizme

6 Maj 2026, 20:03, Aktualitet CNA

“Dhjetëra milionë nga rrugët”/ Berisha: Carlo

Kreu i PD-së Sali Berisha gjatë foltores në njësinë numër 5 në Tiranë ka deklaruar se 90% e mediave kontrollohen nga qeveria, duke përmendur këtu Carlo Bollinon.

Berisha u shpreh se pronarët e mediave bëhen investitorë strategjikë dhe marrin dhjetëra milionë nga rrugët.

Po ashtu duke përmendur Carlo Bollinon, tha se ky i fundit ka marrë mbi 4500 metra katrorë tokë me 1 euro, në një hapësirë ku duhet të ishte ndërtuar një gjimnaz për komunitetin.

Kreu i PD-së e cilësoi Bollinon si një hajdut me çizme që mori mbi 4500 metra katrorë tokë për të mashtruar nga mëngjesi në darkë për llogari të Ramës.

“Një problem shumë serioz janë mediat e kapura. Më shumë se çdo gjë tjetër, unë vlerësoj fjalën e lirë. Ajo ishte ëndrra jonë në diktaturë. Ajo ishte sinonim i dinjitetit tonë, sepse nuk e kishim. Sot 90% e mediave kontrollohen nga qeveria.

Pronarët bëhen investitorë strategjikë, pronarë me porosi të Lubisë, marrin dhjetëra milionë nga rrugët. Ndahet mes ministrit dhe pronarit të mediave. Pronarët diku këtu afër marrin me 1 euro tokë si Carlo Bollino, tokë e dhuruar për gjimnaz, sepse komuniteti s’kishte gjimnaz, ato i jepen pronarëve të mediave. Këta janë mafiozët më të rrezikshëm, janë mafiozët e fjalës së lirë. Këta riprodhojnë në seri lajmin që jep ERT-ja.

Asnjë gazetar nuk është agresuar kurrë nga unë dhe nuk do të agresohen. Të marrësh kriminelë të dënuar si Idajet Beqiri, një njeri i damkosur i akuzuar për dhunime, vjedhje, terrorizëm etj. Ti nuk e sheh atë, kthen kokën, por çfarë do të thotë kjo? Humbje e interesit tënd për të vërtetën.

Nxjerr analist Bollinon, një hajdut me çizme, që merr 4500 metër katrorë tokë për të mashtruar nga mëngjesi në darkë për llogari të Ramës. Do të qëndroj deri në minutën e fundit të jetës sime”, tha Berisha.

Më tej, kreu i PD-së Sali Berisha hodhi akuza dhe për analistë.

“Hap televizionin në çdo kohe e ke Kreshnik Spahiun një kryehajdut, që e ka vendin në burg gjobiste me 300 mijë euro një transferim gjykatwseje e keni të sigurt këtë është me raport, tani ka marrë paratë, në vend se të shkojë atje ku e ka vendin nga mëngjesi në darkë del në studio. Këta delinkuentë mashtrojnë nga mëngjesi deri në darkë qytetarët”, tha Berisha./ CNA