web counter
LEXO PA REKLAMA!

SHKARKO APP

App Store
Google Play

DASH: Zhvillimi ekonomik i Shqipërisë cënohet nga konkurrenca e pandershme

18 Korrik 2024, 17:20, Aktualitet CNA
DASH: Zhvillimi ekonomik i Shqipërisë cënohet nga konkurrenca e
DASH

Departamenti amerikan i Shtetit ka evidentuar një sërë problematikash në raportin e përvitshëm për Klimën e Investimeve në Shqipëri.

DASH thotë se Shqipëria vazhdon të ruajë qëndrueshmërinë e saj makroekonomike, pavarësisht tërmetit të 2019-ës, pandemisë COVID-19 dhe ndikimeve të luftës ruse ekonomike në Ukrainë.

Megjithatë, thekson se zhvillimi ekonomik i Shqipërisë është i cënueshëm nga korrupsioni, konkurrenca e pandershme, sektori joformal dhe mungesa e vazhdueshme e fuqisë punëtore.

“Shqipëria ka një potencial të madh ekonomik, një kuadër ligjor të shëndoshë dhe ka bërë përparim në kufizimin e korrupsionit në nivel të ulët, duke digjitalizuar shërbimet publike si për qytetarët ashtu edhe për bizneset. Megjithatë, investitorët e huaj e perceptojnë Shqipërinë si një vend të vështirë për të bërë biznes. Ata përmendin korrupsionin e vazhdueshëm, përfshirë në sektorin publik, gjyqësor, prokurimet publike, konkurrencën e pandershme dhe të shtrembëruar, ekonominë e madhe joformale, pastrimin e parave, ndryshimet e shpeshta në legjislacionin fiskal dhe zbatimin e dobët të kontratave si sfida të vazhdueshme për investimet dhe biznesin në Shqipëri”, thuhet në raport.

DASH nënvizon faktin se emigrimi i të rinjve të kualifikuar ka krijuar mungesë të fuqisë punëtore./ CNA





Lajmet e fundit nga