web counter
LEXO PA REKLAMA!

SHKARKO APP

App Store
Google Play

Dallëndyshe Bici: Kadastra është nën sulme të vazhdueshme, pse u trazuan noterët

24 Gusht 2023, 21:53, Aktualitet CNA

Dallëndyshe Bici: Kadastra është nën sulme të

Drejtoresha e Agjencisë Shtetërore të Kadastrës, Dallëndyshe Bici është shprehur se prej disa javësh Kadastra është nën sulme të vazhdueshme.

Përmes një postimi në rrjetet sociale, Bici shkruan se noterët kanë filluar të “ngrenë krye” pasi ASHK ka nisur procesin e ri të punës pas rinxhinierizimit të sistemit duke thënë se ata tregoheshin apatik para këtij zhvillimi për problemet e njerëzve.

Bici aludon se ky reagim “hipokrit” i noterëve vjen si pasojë e humbjes së burimeve të tyre.

“Pse kërkojnë të gjithë me ngulm dështimin e kadastrës?!

U bë kaq javë që Kadastra është nën sulme të vazhdueshme. Nga grupe interesi që hapur, apo fshehur, me arsye, apo jo, bëjnë çmos të përlyejnë fytyrën e re të ASHK, atë ku mitmarrja dhe korrupsioni nuk janë fjala e ditës, e ku zyrtarët si shumica e qytetarëve të këtij vendi duhet të presin normalisht pagën në fund të muajit, e meqë nuk janë mësuar kështu, dorëhiqen.

Pse janë trazuar noterët?! Ata që për kaq vite, as nuk kanë folur ndonjëherë për vonesa, për atë stokun e aplikimeve disa vjeçare, për të drejtat e qytetarëve. Pse nisën të kenë ndenja karshi halleve të qytetarëve tani që prej disa javësh në ASHK ka nisur të proçesi i ri i punës pas riinxhinierizimit të sistemit? Mos vallë kanë humbur burimet e tyre dhe kan javë që Kadastra është nën sulme të vazhdueshme. ë mbetur si peshku në zall?! Do flasim sërish për ta. Shumë shpejt.

Por pse kërkojnë dështimin e kadastrës me ngulm grupe të tjera interesi?! Çfarë kanë humbur? Pse vallë nuk kërkohet edhe qëndrimi i ASHK për lajme të ndryshme, akuza, pretendime?

Unë nuk i kam shmangur kurrë sfidat. Dhe kjo që po ndodh sot në ASHK, është një ndryshim epokal për këtë institucion. Por ky ndryshim do të ruajë xhepat e qytetarëve, duke mos i zbrazur tek këto “grupet e interesit”. Do të ruajë pronën, duke mos lejuar të tjera grupe interesi të bëjnë si të duan. Sot akuzohemi e sulmohemi për vonesa. Nëse ndokush ka kujtesë, vetëm pak muaj më parë ASHK akuzohej vetëm për mitmarrje dhe korrupsion. Ka vonesa. Nuk ka probleme. Ka ngërç. Nuk ka dështim. Vetëm pse duam t’i bëjmë gjërat shpejt dhe mirë, pavarësisht sabotimeve, dashakeqëve, atyre që duan të përfitojnë. Ne do t’i bëjmë për njerëzit. Për ata që në fakt nuk është i interesuar asnjë “grup interesi”-shkruan Bici./CNA





Lajmet e fundit nga