web counter
LEXO PA REKLAMA!

SHKARKO APP

App Store
Google Play

Blerjet marramendëse të Xoxës/ Fundo: Erald Ismaili ka deklaruar në SPAK se kartën e përdorte Ajola

17 Shkurt 2025, 18:05, Aktualitet CNA

Blerjet marramendëse të Xoxës/ Fundo: Erald Ismaili ka deklaruar

Gazetari Elvi Fundo në një intervistë për Syri Tv ka dhënë disa detaje nga dosja që vërtetojnë se Erald Ismaili i ka bërë blerjet për Ajola Xoxën. Fundo tha se në dosjen e SPAK, janë 130 praktika të nxjerra nga Drejtoria e Doganave për blerjet e bëra nga Erald Ismaili, në një shumë rreth 650 milionë lekë.

Gazetari Fundo tha se në dëshminë e tij në SAK, Erald Ismaili ka thënë që nuk ka blerë gjë dhe kartën e tij e ka përdorur Ajola Xoxa.

 

“Sa për zonjën unë do të sjell disa detaje të cilat janë në dosje, mjafton të lexojmë vendimin e gjykatës. Është një person që quhet Erald Ismaili. Ky zotëria është pyetur në SPAK për blerje, dhe ky ka sipas vendimit të gjykatës me firmën e zotit Erion Bani rreth 650 milionë lekë blerje. Kini parasysh që këto janë blerje bashkë me pagesën e doganës. Si janë gjetur këto para. Thuhet qartë në dosje, mjafton të lexoni vendimin e gjykatës. I është bërë një kërkesë doganave dhe Drejtoria e Përgjithshme e Doganave ka nxjerrë këto praktika. Janë 130 praktika blerjeje nga shtetasi Erald Ismaili që bëjnë 650 milionë lekë.

Në të gjithë këto praktika sipas të dhënave zyrtare nga doganat, se këto nuk ia shpiku SPAK-u dhe sipas të dhënave që vetë ka deklaruar Erald Ismalili që zonja thotë që unë nuk i di, ky djali ka patur një studio ligjore dhe ka deklaruar që mua klientët mi sillte Ajola dhe lekët në fund ja jepja Ajolës. Ja një lidhje. E dyta në të gjithë praktikat e blerjeve ky djali thotë unë nuk kam blerë gjë. Dhe blerjet janë fustane, veshje të të njëjtës masë që ka blerë Ajola.

Tani si lidhet kjo që ato janë të Ajolës. Pasi dikush mund të blejë 650 milionë lekë veshje. Janë të gjithë me adresë, Sky Tower, zyra 12/3, adresa e e-mailit të Ajola Xoxës dhe numri i saj i telefonit. E kjo në të gjithë 130 praktikat e doganës. Pra të 650 milionë lekët blerje, janë bërë më kartë dhe ai thotë se unë nuk kam bërë blerje të tilla. Pastaj një djalë përse do ti blejë 650 milionë lekë, veshje e fustane. Kur ai  e ka deklaruar në SPAK se kartën e përdorte Ajola. Ne këtu, mjafton të lexojmë faqen 114 të vendimit 115, numrin e praktikave, kompaninë qe e ka ky djali”, tha Fundo./ CNA





Lajmet e fundit nga