web counter
LEXO PA REKLAMA!

SHKARKO APP

App Store
Google Play

“Biblioteka e re Kombëtare do të ngrihet pranë Gardës”/ Blendi Gonxhja zbulon çfarë do të ndodhë me të vjetrën

17 Shtator 2024, 13:44, Aktualitet CNA
“Biblioteka e re Kombëtare do të ngrihet pranë
Ministri Blendi Gonxhja

Ministri me tri portofole, i Ekonomisë, Kulturës dhe Inovacionit, Blendi Gonxhja, ka bërë me dije sot në mbledhjen e Komisionit për Edukimin dhe Mjetet e Informimit Publik se po punohet për projektimin e një biblioteke të re kombëtare pranë Gardës në Tiranë.

Sipas ministrit, Biblioteka e re Kombëtare do të jetë në shërbim të shumë moshave me shumë kategori.

Po ashtu ministri theksoi se Biblioteka e vjetër Kombëtare duhet të jetë atje për një theks ceremonial, muzeal.

“Një situatë e rëndësishme për Bibiotekën Kombëtare të Shqipërisë që është një institucion me një rëndësi të jashtëzakonshme dhe që kemi një situatë kritike sa u takon kushteve të sigurisë për fondet dhe për të gjithë inventarin, thesarin që kemi në bodrumet e këtij institucioni ku ne po punojmë për të pasur një qasje tepër kreative në kuptimin ekonomik të fjalës, një nismë të re që kemi bashkë me Bashkinë Tiranë dhe me shoqërinë që posedon një pjesë të këtij aseti, ne të kemi një marrëveshje të re që do të na bënte që të dilnim me më shumë metra me një zgjidhje për sa i përket krizës që ka kaluar biblioteka shqiptare në vite.

Biblioteka e re Kombëtare 2 që do të zhvillohet, do të ndërtohet, ngrihet pranë Gardës. Biblioteka e vjetër nuk do të shkatërrohet, ajo do të jetë biblioteka në konceptin që ne kemi, do të ketë dëgjesa, një analizë dhe vendimmarrje serioze. Biblioteka e vjetër kombëtare duhet të jetë atje për një theks ceremonial, muzeal, duke qenë në qendër të qytetit pranë sheshit 'Skëndërbej' dhe duke menduar si do e konceptojmë Pallatin e ri të Kulturës në shërbim edhe të Bibliotekës Kombëtare, ne duam që të jetë e vizitueshme dhe të jetë një objekt historik ku do të kemi fondin historik. Biblioteka e re Kombëtare do të jetë në shërbim të shumë moshave me shumë kategori. E gjitha kjo do të zhvillohet në një godinë të re që do të vijë si rezultat i një qasjeje kreative ekonomike”, tha ministri Blendi Gonxhja./ CNA





Lajmet e fundit nga