web counter
LEXO PA REKLAMA!

SHKARKO APP

App Store
Google Play

Berisha apo Rama?/ Spahiu rrëzon dy alibitë për sulmin ndaj kreut të PD

7 Dhjetor 2022, 22:09, Aktualitet CNA
Berisha apo Rama?/ Spahiu rrëzon dy alibitë për sulmin ndaj kreut
Analisti Kreshnik Spahiu

Analisti Kreshnik Spahiu ka komentuar dhe ka analizuar alibitë e ngritura mbi ngjarjen e ditë së djeshme në protestë, ku u dhunua fizikisht Sali Berisha.

Spahiu përjashton në mënyrë kategorike alibinë se Berisha mund të ketë inskenuar aktin ndaj vetes.

Sipas analistit, Berisha mund të pranojë edhe vrasjen, por kurrë të rrihej publikisht, pasi sipas tij nuk ia lejon karakteri.

“Sali Berisha nuk ia ka bërë vetes këtë gjë. Ai edhe vrasjen do ta pranonte por jo të rrihej publikisht. Duke njohur karakterin e tij si malësor nuk do lejonte të prekej publikisht. Bie alibia që ta ketë organizuar vetë”, tha Kreshnik Spahiu.

Më tej analisti tha se edhe alibia e dytë që Rama mund të ketë inskenuar sulmin ndaj Berishës rrëzohet, pasi e sheh si më të painteresuarin për ta bërë këtë në një ditë ku për Ramën ishte ëndrra dhe dasma e vetme e tij.

Sipas analistit Rama nuk do ta bënte këtë që të shkëpuste vëmendjen nga samiti për ta drejtuar tek një person që godet kreun e opozitës me grusht.

“Alibia e dytë është se Edi Rama është njeriu  më i painteresuar që pikërisht dje njeriu që puthej dhe përqafohej me Macron dhe Scholz ku jo vetëm mediat shqiptare por edhe mediat e gjithë botës po jepnin surratin e Edi Ramës në të vetmen dasmë dhe ëndërr të tij ti shkëpuste kamerat duke nxjerrë një jashtëqitje nga buz Lana që t’i gjuante me grusht Sali Berishës dhe ti hapte vetes një konflikt të përjetshëm.

Edi Rama është njeriu që i shmanget konflikteve fizike dhe personale. Edi Rama nuk është trim. Edi Rama e di që një ditë do të largohet nga kryeministër dhe nuk i hyn rrugës së hakmarrjes politike apo edhe hakmarrjes me familje të forta në Shqipëri. Askush nuk ndihmon në të vërtetën nëse themi se  Edi Rama është i përfshirë në këtë histori”, ka thënë Spahiu në emisionin "Now" me Erla Mëhillin./ CNA.al

 





Lajmet e fundit nga