web counter
LEXO PA REKLAMA!

SHKARKO APP

App Store
Google Play

Beqaj në SPAK/ Avokati: 90 milionë lekë për t’u njohur me aktet, qesharake

28 Mars 2024, 11:37, Aktualitet CNA
Beqaj në SPAK/ Avokati: 90 milionë lekë për t’u njohur
Ilir Beqaj

Avokati i ish-ministrit Ilir Beqaj u shpreh në një deklaratë për mediat se të gjithë personat që janë nën hetim për dosjen e "Sterilizimit" kanë refuzuar që të paguajnë tarifën prej 90 milionë lekësh për t’u njohur me aktet e dosjes.

“10 milionë vetëm për person për t’u informuar se ku qëndron akuza. Ne dhe të gjithë të akuzuarit e tjerë refuzuan që të paguajnë këtë faturë. Na u dhanë 24 orë kohë për të shqyrtuar 700 fashikuj të dosjes. Deri tani jemi në fashikullin numër dy. Pasi lexuam vendimin për komunikimin e akuzës kërkuam kopjen e akteve siç na e njeh të drejtën ligji. 10 milionë lekë vetëm për materiale në PDF. Është qesharake t’i kërkosh një pensionisti si Petro Mersini të paguajë aq para. Rapaj dhe Rjepaj janë në burg dhe atje as nuk lejohet laptopi. Ironia është që me të njëjtin prokuror, me të njëjtin gjyqtar, çështje të tjera nuk kanë paguar. Do të qëndrojmë derisa të na lejojë SPAK-u. Dola për të pirë një kafe dhe do kthehem brenda”, u shpreh ai. 

Ish-ministri Ilir Beqaj është paraqitur mëngjesin e sotëm në SPAK. Beqaj po njihet me aktet e dosjes së Sterilizimit, ku pritet të kalojë gjithë ditën në SPAK./CNA

 





Lajmet e fundit nga