web counter
LEXO PA REKLAMA!

SHKARKO APP

App Store
Google Play

E fundit!

x

Rrëzohet kërkesa e Belerit për përjashtimin e gjyqtarëve/ Avokati: Procesi me paligjshmëri

29 Dhjetor 2023, 13:37, Aktualitet CNA
Rrëzohet kërkesa e Belerit për përjashtimin e
Fredi Beleri

Gjykata e Posaçme ka rrezuar kërkesën e avokatëve të kryetarit të zgjedhur të Bashkisë së Himarës, Fredi Beleri, për përjashtimin nga trupa gjykuese të dy gjyqtarëve, përkatësisht Erion Çela dhe Irena Gjoka me pretendimin se janë treguar të njëanshëm ndaj tij.

Në seancën e sotme u paraqitën 5 dëshmitarë mes tyre një gazetar lokal që intervistoi Avdyl Ramën, vëllain e bashkëpunëtorit të drejtësisë Arsen Rama.

Avokati i Fredi Belerit, në deklaratë për mediat, ka folur lidhur me seancën.

Ai tha se bëhet fjalë për një proces të paligjshëm që në fillimet e tij.

Sa i përket qëndrimit në seancë të Belerit avokati tha se ky i fundit është konstant në qëndrimet e tij, kërkon vetëm proces të rregullt ligjor.

“Është një procedim i paligjshëm i vazhduar me paligjshmëri nga fillimi në fund. Qëndrimi i Belerit është i vazhdueshëm e konstant, kërkon proces të rregullt dhe ligjor. Celulari i tij është hapur që në ditët e para. Po të shikonin elementë të paligjshëm në celular nuk do të ngelnin pa u marrë. Është hapur celulari. Vendimin nuk e njohim akoma. Nuk mund t’ju them gjë tjetër., tha avokati i Belerit./ CNA





Lajmet e fundit nga