web counter
LEXO PA REKLAMA!

SHKARKO APP

App Store
Google Play

Balla vizitë në birrarinë më të vjetër “12 Apostuj” në Frankfurt/ Drejtohet nga sipërmarrës shqiptar

21 Shkurt 2025, 22:18, Aktualitet CNA

Balla vizitë në birrarinë më të vjetër “12

Drejtuesi Politik i Partisë Socialiste për Diasporën, Taulant Balla, u takua sot në Frankfurt me sipërmarrësin shqiptar Fatmir Dulaj, i cili prej 34 vitesh jeton në Gjermani. Dulaj sot është pronar i birrarisë më të vjetër në qytet, të quajtur “12 Apostuj”.

Gjatë bashkëbisedimit me Ballën, sipërmarrësi nga Malësia e Madhe tregoi se ka emigruar në Frankfurt para 32 vitesh dhe punën e parë e ka nisur në kuzhinë.

Falë punës së këtyrë viteve, Dulaj prej 13 vitesh drejton një nga restorantet më të vjetra të Frankfurtit, i cili është i vetmi restorant që prodhon birrën brenda ambienteve të restorantit.

Në lokalin e tij në Frankfurt punojnë 20 persona, nga të cilët 9 janë shqiptarë. Balla vuri në dukje një detaj të veçantë: "Dy djemtë e tu, djemtë e një bosi, mësojnë punën."

Një lajm i rëndësishëm për Shqipërinë është se birra e prodhuar në këtë birrari së shpejti do të vijë në Shkodër dhe Velipojë. "Po, po, fabrika gati është. Do hapet edhe pak," – tha Dulaj, duke konfirmuar investimin e tij të ardhshëm në Velipojë, që do të jetë një birrari edhe më e madhe dhe më moderne./CNA 





Lajmet e fundit nga