web counter
LEXO PA REKLAMA!

SHKARKO APP

App Store
Google Play

Balla: Partneriteti me Gjermaninë, kyç për avancimin e agjendës europiane të Shqipërisë

14 Shkurt 2026, 14:11, Aktualitet CNA

Balla: Partneriteti me Gjermaninë, kyç për avancimin e

Kryetari i Grupit Parlamentar të Partisë Socialiste, Taulant Balla, gjatë qëndrimit në Gjermani, ku po merr pjesë në Konferencën e Sigurisë së Mynihut, zhvilloi një takim me Adis Ahmetovi?, anëtar i Bundestagut gjerman, i cili është zëri kryesor për politikën e jashtme në radhët e Partisë Socialdemokrate e Gjermanisë (SPD).

Gjatë takimit u vlerësua bashkëpunimi shumë i mirë ndërmjet Kuvendit të Shqipërisë dhe Bundestagut gjerman, si edhe mes dy grupeve parlamentare.

Palët ndanë bindjen se partneriteti mes Shqipërisë dhe Gjermanisë mbetet një shtyllë e rëndësishme në avancimin e agjendës europiane të vendit tonë.

Në fokus të diskutimeve ishte procesi i integrimit europian të Shqipërisë, me theks të veçantë te nevoja për të ecur përpara pa asnjë vonesë gjatë viteve 2026–2027, me qëllim përmbylljen me sukses të negociatave për anëtarësim në Bashkimin Europian.

Balla shprehu mirënjohjen për mbështetjen e vazhdueshme të Gjermanisë dhe theksoi rëndësinë e koordinimit të mëtejshëm politik dhe parlamentar për të garantuar progres të qëndrueshëm në këtë proces strategjik për Shqipërinë./ CNA





Lajmet e fundit nga