web counter
LEXO PA REKLAMA!

SHKARKO APP

App Store
Google Play

“Azem Hajdari është gjallë”/ Berisha: Vrasja më e rëndë në historinë e Shqipërisë

12 Shtator 2023, 12:55, Aktualitet CNA

“Azem Hajdari është gjallë”/ Berisha: Vrasja më

Pas homazheve në përkujtim të Azem Hajdarit, në 25-vjetorin e vdekjes së tij, ish-kryeministri Sali Berisha në një prononcim për mediat e ka quajtur ekzekutimin e tij, vrasjen më të rëndë dhe makabre në historinë e Shqipërisë.

Berisha theksoi se Azem Hajdari përbën një nga figurat më të rralla të historisë kombëtare dhe vrasja ishte akt hakmarrës primitiv nga pushteti i atëhershëm.

"Sot, ne jemi këtu për të nderuar legjendën e guximit, trimërisë, të të rinjve shqiptarë, të studentëve shqiptarë, tribunin e lirisë, Azem Hajdari, në 25-vjetorin e ekzekutimit të tij shtetëror, nga falanga me uniformë të shtetit terrorist, vetëm e vetëm për bindjet e tij politike, së bashku me sivllaun e vet, Besim Çerja, të cilët një natë të 12 shtatorit 1998, ranë në breshëritë e kallashnikovëve të bandës shtetërore terroriste, të organizuar pa dyshim në aktin hakmarrës primitiv nga pushteti i atëhershëm.

Azem Hajdari përbën një nga figurat më të rralla të historisë sonë kombëtare.
Asnjë shqiptar, si individ, nuk ka bërë aq sa ka bërë Azem Hajdari së bashku me studentët liberatorë për liritë e shqiptarëve.
Mbetet pra, një nga figurat më të jashtëzakonshme në historinë e lirisë së këtij kombi.

Sot nuk është e lehtë të imagjinosh dhjetorin e vitit 1990, kur ai u ngrit me një grup studentësh, me thirrjet: Liri, Demokraci, Poshtë diktatura.

Ai u shndërrua në një magnet të fuqishëm të rinisë studentore, një lider epik me guximin e tij, i cili në një kohë të shkurtër gjunjëzoi diktaturën.

Ekzekutimi i tij, para selisë së PD, është vrasja shtetërore më e rëndë në historinë e shqiptarëve. Është atentati më makabër!
Azem Hajdari, edhe sot pas 25 vitesh, është i gjallë dhe i pavdekshëm në zemrat e atyre që jetuan diktaturën dhe panë tek ai, shpëtimtarin e tyre. Është i pavdekshëm dhe i përjetshëm në altarin e lirisë së kombit shqiptar", tha Berisha. / CNA





Lajmet e fundit nga