web counter
LEXO PA REKLAMA!

SHKARKO APP

App Store
Google Play

E fundit!

x

Avokati i bandave kërkon reformë në drejtësi

14 Janar 2025, 09:17, Aktualitet CNA
Avokati i bandave kërkon reformë në drejtësi
Ylli Manjani

Në një deklaratë që përbën njëkohësisht një analizë për të “shpëtuar” drejtësinë në Shqipëri, avokati Ylli Manjani, i njohur edhe si avokati i bandave, ka dhënë leksionet e tij mbi reformën që vendi ka nevojë.

“E kam mbështetur dhe do të mbështes gjithnjë idenë e një reforme në drejtësi të vërtetë," tha Manjani.

Sipas tij, sistemi i drejtësisë ka nevojë urgjente për një rikonceptim të plotë, duke nisur nga çlirimi i gjykatave nga politika e duke përfunduar me përvojën jetësore të gjykatësve.

“Duhet një sistem i drejtë, jo një Nuremberg i përhershëm. Dakord, le të kemi SPAK fundja, por jo gjykata të posaçme. Hetimet janë të posaçme, por jo gjykimet e gjykatat," deklaroi ai.

“Sa më e posaçme të jetë një gjykatë, aq më e diktuar është.” Një deklaratë e guximshme, veçanërisht kur vjen nga dikush që e di shumë mirë si funksionojnë “sistemet e posaçme” nga brenda.

Deklarata e tij nuk kurseu as komisionin "Xhafaj", për të cilin tha se synon vetëm të “arnojë katrahurën aktuale” dhe të “mbyllë vrimat e çastit”. Kjo do ishte paska ironike duke pasur parasysh që pikërisht këto “vrima” mund të kenë qenë shpëtimi i shumë prej klientëve të tij.

Në mënyrë indirekte, Manjani shpreh se bie dakord me komisionin “Xhafaj”, komision i cili që në krijimin e tij synonte goditjen e SPAK-ut.

Siç duket, për avokatin komisioni “Xhafaj” do të ishte një shpëtim për të dhe klientët e tij, sepse lehtësisht mund t’i nxirrte ato “të kulluar” nga krimet dhe ai këtë gjë e pranon haptas ku thotë se “Me këtë reformë, në këto terma do isha krejt dakord, edhe sikur ta ndërmarrë i ashtuquajturi "Komisioni Xhafaj".

Në fund, për të gjithë ata që pyesin se si është e mundur që një figurë e tillë të kërkojë drejtësi të pastër, mbetet vetëm një përgjigje: ndoshta është thjesht një përpjekje për të mbrojtur klientët e tij të ardhshëm, në një sistem “më të drejtë.”

Deklarata e plotë e Ylli Manjanit:

"E kam mbështetur dhe do të mbështes gjithnjë idenë e një reforme në drejtësi të vërtetë.
Nuk jam për të harxhuar kohë me shkatërrimin e asaj që ndodhi, por me ndërtimin e një sistemi drejtësie të drejtë. Gjykoj se reforma reale në drejtësi duhet të ketë një synim madhor:
Të pavarësojë gjykatën. Ta çlirojë atë nga presioni i prokurorisë dhe nga ndikimi politik.
Nuk shkohet më askund me gjykata e gjykime të posaçme. Nuk mund të ketë sistem të drejtë ne "Nuremberg të përhershëm".
Dakord, le të kemi SPAk fundja, por jo gjykata të posaçme. Hetimet janë të posaçme, por jo gjykimet e gjykatat. Sa më e posaçme gjykata aq më e diktuar është. Nuk shkohet më askund me gjykatës, karriera e të cilëve është e përmbysur dhe pa garanci. Duhet të sigurohemi që gjykatësit të kenë edhe përvojë jetësore, krahas asaj profesionale. Nuk fillohet karriera në gjykatat e larta. As emërimi me afat nuk është garanci për pavarësi. (Shihni lesh e li gjykatën Kuahtetuese ça i bënë me një debat mbi mandatet)...
Në këtë kuptim do na duhet të rikonceptojmë sistemin gjyqsor për ta pavarësuar në mënyrë të garantuar e të sigurtë. Nga ana tjetër rishkrimi i kodeve të procedurave që të reduktohet dykuptimësia dhe të garantohet procesi i rregullt në të gjitha kuptimet e fjalës është detyrë e menjëhershme.
Liria dhe të drejtat e secilit garantohen vetëm nga procesi i rrefullt dge procedura të barabarta për të gjithë njësoj. Ne kemi nevojë për një Kod Penal të ri, që të vendosë proporcionalitetin në dënim dhe jo të kriminalizojë detyrimisht çdo sjellje të njeriut.
Pra jam për një reformë reale shqiptare. Përvojë tashmë kemi plot. Të paktën e dimë se çfarë nuk duhet bërë më. Me këtë reformë, në këto terma do isha krejt dakord, edhe sikur ta ndërmarrë i ashtuquajturi "Komisioni Xhafaj".
Por dyshoj se kemi të njëjtën kuptueshmëri dhe qëllim.
Komisioni Xhafaj dyshoj se maximumi synon të arnojë katrahurën aktuale për të mbyllur ndonjë vrimë të çastit. Nëse është kështu, sigurisht që nuk kemi pika takimi."/CNA

 





Lajmet e fundit nga