web counter
LEXO PA REKLAMA!

SHKARKO APP

App Store
Google Play

"Nëse më kërkon falje do vijë në emision"/ Fevziu komenton debatin me Arlind Qorin

13 Janar 2025, 21:32, Aktualitet CNA
"Nëse më kërkon falje do vijë në emision"/
Gazetari Blendi Fevziu

Gazetari Blendi Fevziu ka komentuar debatin e ndodhur para pak ditësh në emisionin “Opinion” ku pati një përplasje me Arlind Qorin.

Gjatë debatit, Qori e akuzoi Fevziun se nuk e fton në emision për shkak se nuk e lë pronari, por gazetari u shpreh se diçka e tillë nuk është e vërtetë.

I ftuar në një emision televiziv, Fevziu tha se nëse Qori kërkon falje do të vijë në emision në të kundërtën s’ka pse të vijë.

"Ka një histori të vazhdueshme muajt e fundit në Shqipëri që gjithë të rinjtë janë arrogantë duke menduar se shtypi është në dispozicion të tyre, por asnjë nuk duhet të harrojë se asnjë politikan nuk është më i rëndësishëm se një gazetar.

Në një raport mes medias dhe politikës politikani s’ka asnjë të drejtë ti bërtasë gazetarit, nëse e marr dikë në emision apo jo, këtë e vendos unë.

Ministra për të ardhur në intervista kërkojnë stafin e tyre sjellin PR. Debati me të erdhi sepse fraza që ai tha nuk qëndronte duke akuzuar se kishte mbi një vit që nuk e kisha thirrur në emision se nuk më linin, por mua nuk më udhëzon njeri se kë të marr në studio dhe kë mos të marr.

Një njeri që thotë që ty nuk të lënë të më marrësh mua në emision do e kundërshtoj për aq kohë sa nuk qëndron.

Nëse mua ma bëjnë të pamundur punën unë zgjedh të iki. Nëse një gazetar i thonë bëj këtë apo atë në emisionin e vetë zgjedh të iki.

Unë kam pasur një parim kur po bëja debat në pjesën e reklamave kisha 100 mijë sms që thoshin Arlindi kshu e ashtu dhe unë nuk i marr të mirëqena sepse nuk merrem me akuzat e askujt që nuk i kam vërtetuar vetë.

Ne kur përcaktojmë një temë në emision kemi parasysh audiencën, prandaj jam munduar ti shmang maksimalisht politikanët nga studio."/CNA





Lajmet e fundit nga