E fundit!

21:29 Aktualitet

"Investitorët strategjikë, klientela e Ramës"/ Këlliçi: Ende asnjë zyrtar shteti i arrestuar për aferat më të mëdha

Nënkryetari i PD-së, Belind Këllliçi ka folur mbrëmjen e s...

Autoriteti i Konkurrencës nis monitorimin për çmimin e bukës në Korçë

5 Mars 2026, 11:55, Aktualitet CNA

Autoriteti i Konkurrencës nis monitorimin për çmimin e

Autoriteti i Konkurrencës ka nisur kontrollet dhe monitorimin e çmimit të bukës në qytetin e Korçës. Sipas njoftimit të Autoritetit të Konkurrencës, monitorimi ka nisur nga raportimet se ka pasur rritje të çmimit nga 120 lekë në 150 lekë.

Ndërkohë, CNA një ditë më parë njoftoi se pas verifikimeve dhe vëzhgimeve në të gjitha furrat e bukës në qytetin e Korçës rezultoi se nuk ka pasur rritje të përgjithshme të çmimit, përveç një subjekti.

"Fake news"-i/ Nuk ka rritje të çmimit të bukës në Korçë
4 Mars, 12:24

CNA bëri me dije se vetëm një furrë buke ka aplikuar një rritje prej 20–30 lekësh për njësi. Sipas informacioneve, ky vendim i këtij subjekti lidhet me rritjen e pagës minimale dhe kostot shtesë që biznesi pretendon se po përballon.

Njoftimi i Autoritetit të Konkurrencës për monitorimin:

Autoriteti i Konkurrencës, nisur nga disa informacione në media në lidhje me njoftimin e ndërmarrjeve të prodhimit dhe shitjes së bukës në qytetin e Korçës, të cilat kanë lajmëruar të gjitha pikat e shitjes se çmimi i shitjes së bukës nga 120 lekë do të jetë 150 lekë, duke reflektuar një rritje të njëkohshme me mbi 25%, ngriti menjëherë një Grup Pune për monitorimin e këtij tregu.

Në zbatim të ligjit 9121/2003 “për mbrojtjen e konkurrencës” Autoriteti në mënyrë të menjëhershme po realizon kontrolle në terren me qëllim evidentimin nëse ky njoftim do të zbatohet nga ndërmarrjet dhe, mbi të gjitha, nëse kjo sjellje është abuzive e si rrjedhim në shkelje të ligjit nr.9121/2003 “Për mbrojtjen e konkurrencës”.

Ligji nr. 9121/2003 “Për mbrojtjen e konkurrencës” ndalon të gjitha marrëveshjet të cilat kanë si objekt ose si pasojë pengimin, kufizimin ose shtrembërimin e konkurrencës në treg, veçanërisht marrëveshjet që caktojnë në mënyrë të drejtpërdrejtë ose të tërthortë, çmimet e blerjes ose të shitjes, apo çdo kusht tjetër tregtimi.

Sjellim në vëmendje të ndërmarrjeve të tregtimit të bukës se, shkelja e ligjit “Për mbrojtjen e konkurrencës” përbën kundërvajtje administrative dhe sanksionohet me gjobë, në masën deri në 10 për qind të xhiros së vitit financiar paraardhës të ndërmarrjeve të përfshira në marrëveshje të paligjshme. /CNA