web counter
LEXO PA REKLAMA!

SHKARKO APP

App Store
Google Play

E fundit!

x

“Arsimin nuk e bëjnë cilësor ligjet”/ Mehmeti: Jemi bërë Republika e Infermierisë

14 Tetor 2024, 18:13, Aktualitet CNA

“Arsimin nuk e bëjnë cilësor ligjet”.

Ky është mendimin i ekspertit të arsimit, Ndriçim Mehmeti.

Në një intervistë për CNA TV, Mehmeti ka ngritur disa problematika sipas tij, ku një prej tyre është mungesa e adresimit dhe mbështetjes së studentëve për të studiuar në degë që do t’i shërbenin Shqipërisë në të ardhmen.

Sipas tij, Shqipëria është bërë Republika e Infermierisë.

“Ne kemi shpërpjesëtim shumë të madh me nevojat që ka ekonomia jonë dhe sektorë të ndryshëm në krahasim me atë që nxjerrim. Ne nxjerrim nja 4 mijë infermierë. A ka ndonjë studim, që na duhen 4 mijë infermierë. E para, duhet të nisim të bëjmë një pakt kombëtar të arsimit që shkon deri në 2050-ën dhe jo 2030-ën, në të cilin nuk vë dot dorë njeri nesër, me specialistë, me njerëz që marrin vesh nga kjo punë. Duke nisur me studimin sa mësues na duhen dhe si t’i tërheqim studentët drejt mësimdhënies. Duhet paketë masash. Thuhet që u rrit rroga e mësuesit, por a mjafton vetëm kjo? Problemi ynë sot është që skemi mësues. Jemi bërë republika e infermierisë”, u shpreh ai.

“Arsimin nuk e bëjnë cilësor ligjet”/ Mehmeti: Jemi
Eksperti i arsimit, Ndriçim Mehmeti

Mehmeti komentoi edhe projektligjin e propozuar për kërkimin shkencor, për të cilin tha se bie ndesh me ligjin aktual për arsimin.

“Ky ligj bie në kundërshtim me ligjin aktual për arsimin. Flitet për karrierën akademike dhe kërkimin shkencor. Atje flitet për karrierën akademike dhe kërkimin shkencor, këtu nuk flitet fare. Si do ta marrim? Me ligjin e ri apo me atë që është? Së dyti. Flitet për kërkim shkencor. Më parë e kishim draftin që shumica ishin nga konferenca e rektorëve. Po si mund të heqësh rektorët? Nuk më interesojnë emrat. Do rreshtojmë 7 ministra që nuk marrin vesh, ky nuk është këshilli kombëtar i punës. Është një hap pas që rrëmben atë pak autonomi që kishin universitetet. Në vend që ta ketë njësia bazë, rektori dhe dekani, tani e ka ministri dhe kryeministri. Në cilin vend të botës ndodh kjo?

Bën një ligj për kërkimin shkencor, tani kemi edhe një ligj tjetër. Nuk bëhet me ligje dhe me VKM cilësia e arsimit. Bëhet me financim, me mbështetje, me patriotizëm, pasion, ta kesh prioritet kombëtar arsimin”, theksoi eksperti i arsimit./ CNA





Lajmet e fundit nga