E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Protestë para policisë në Pogradec/ Banorët: Arrestimi i Kevi Muçllarit është i paligjshëm, këshilltari na ka provokuar

10 Nëntor 2025, 21:55, Aktualitet CNA

Protestë para policisë në Pogradec/ Banorët: Arrestimi i

Avokati Endri Çela dhe banori

Një grup banorësh të fshatit Çërravë janë mbledhur për të protestuar para komisaritatit të Pogradecit, ku ndodhet i arrestuar 27-vjeçari, Kevi Muçllari, pas përplasjes fizike të ndodhur sot me këshilltarin bashkiak, Engjëll Shyti.

Mes banorëve është edhe avokati Endri Çela, i cili është shprehur se arrestimi i Muçllarit nuk është bërë në mbështetje të ligjit për shkak se sipas tij nuk ka pasur goditje por shtyrje të përbashkët. Ai shtoi më tej se duhet të ishin shoqëruar të gjitha palët e përfshira në konflikt dhe t’ju merrenin deklarimet nga policia.

"Arrestimi i bërë për shtetasin Kevi Muçllari nuk është në mbështetje të ligjit së pari për faktin se nuk ishte që kemi të bëjmë me goditje ka pasur shtyrje të përbashkët. Nuk është provokuar nga ana e Kevit mosmarrëveshja apo konflikti për aq sa mund ta quajmë konflikt dhe nuk jemi në kushtet e një goditje klasike për shkak të detyrës. Elementi i dytë ka të bëj me faktin se mosmarrëveshja nuk lindi për faktin se për kë votoi një këshilltar apo për kë votoi një këshilltar tjetër pavarësisht kundërshtisë që kishte Kevi dhe gjithë banorët e tjerë. Mosmarrëveshja lindi në momentin që Kevi ishte duke u larguar dhe pati një reagim nga persona të tjerë pra lindi, pasi kishte përfunduar votimi. Në këtë këndvështtim unë nuk e shoh që ishte për shkak të detyrës. Është një shtyrje e përbashkët që lindi për shkak se u kapën me fjalë. Mendoj se nuk jemi në kushtet e shtyrjes për shkak të detyrës dhe nuk është Kevi Muçllari që e provokoi këtë situatë. Normalisht të gjitha palët e përfshira duhet të shoqërohen dhe duhet t'ju meren deklarimet përkatëse. Nuk e di këtë fakt. Do ndjekim procedurën duke i kërkuar prokurorisë që ta konsiderojë të paligjshëm këtë arrestim dhe nëse nuk e cilëson si të paligjshëm do i kërkojmë më pas gjykatës që ta vlerësojë dhe që të mos caktohet asnjë masë sigurimi ndaj tij”, është shprehur avokati Çela.

Një nga banorët e fshatit kërkoi gjithashtu që 27-vjeçari të lirohet pasi sipas tij arrestimi i tij erdhi pa arsye. Ai tha se këshilltari bashkiak me të cilin Muçllari është përplasur kishte provokuar dhe persona të tjerë. Banori shtoi se arrestimin e të riut e shohin si presion ndaj tyre.

"Kërkojmë të lirojnë djalin që e kanë marrë pa arsye fare. Nuk e dimë arsyen përse na i kanë marrë kur dikush mund të jetë i lirë aty ku është dhe tjetri në komisariat. Le të na marrin edhe neve të gjithëve bashkë. Debate bëmë edhe ne nuk është se bëri vetëm ai, këtu tek ne nëse nuk bën debate nuk të dëgjon njeri. Kemi qenë shumë të provokuar nga këshilltari, unë dola jashtë se po të isha aty brenda nuk e dija se çfarë do bëja. Për të trembur nuk na tremb njeri, me ndalimin e djalit duan të na ndalojnë, po na bëjnë presion, unë kështu e shoh. Djali ishte shumë i angazhuar me Çërravën, kur zunë atë i bije që është presion ndaj nesh. Ne nuk e lemë, ja ku jemi sot këtu, për atë arsye jemi këtu, djalin nuk e lemë këtu. Është shkelur ligji me të katërta këmbët. Ne nuk po u biem në qafë, as punë nuk po u kërkojmë, asgjë, përkundrazi kërkojmë të drejtën tonë", është shprehur ai. /CNA