E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

Aliballa dhe deputetët e Lulit, pasnesër ju ofrojnë avokatin e inceneratorëve si Avokat Populli

19 Dhjetor 2022, 22:01, Aktualitet CNA

Aliballa dhe deputetët e Lulit, pasnesër ju ofrojnë avokatin e

Foto ilustruese, Ervin Salianji dhe Ledio Braho

Avokati Altin Goxhaj, kandidat për Avokatin e Popullit, ka deklaruar se grupi i përçarësve dhe kreu i grupit parlamentar të PS, Taulant Balla, do të votojnë pasnesër avokatin e inceneratorëve Ledio Braho për Avokatin e Popullit, për të cilin CNA.al, ka publikuar me fakte se si ka marrë para nga inceneratorët.

I paguar nga inceneratorët rreth 9 milionë lekë/ Ledio Braho nga “Babalja” kërkon “Avokatin e Popullit”
3 Nëntor, 13:07

Goxhaj, në një reagim në rrjetet sociale, shkruan se meritat e kandidatëve të Alibeajt, Bashës dhe Bardhit janë mbrojtja që i bëhet deputetëve si Ervin Salianji dhe jo popullit.

Avokati Goxhaj, ka treguar se arsyeja pse deputetët e opozitës duhet ta votojnë, është për mënyrën se si është përballur me regjimin dhe si po i mbron qytetarët nga ata që po shesin votuesit e tyre tek Taulant Balla.

"ALIBALLA DHE DEPUTETËT E LULIT, PASNESËR JU OFROJNË AVOKATIN E INCINERATORËVE SI AVOKAT POPULLI

Nga Avokati Altin Goxhaj, kandidat për Avokatin e Popullit

Enkelejd Alibeaj + Taulant Balla = ALIBALLAT pasnesër votojnë Avokatin e Iceneratorëve Z. Ledio Braho që të bëjë edhe Avokatin e Popullit të Iceneratorëve!

Meritat e kandidatëve të Alibeajt, Bashës dhe Bardhi janë mbrojtja që i bëhet deputetëve (si Salianjin) të tyre dhe jo mbrojtja e Popullit dhe dhjetra demokratëve nga Veriu në Jug siç kemi bërë ne falas përgjatë 1 dekade nëpër komisariate, prokurori dhe gjykata!

Por kandidimi për Avokat i Popullit nuk është punë shpërblimi merite, por mbrojtje të Popullit të pambrojtur, të nëpërkëmbur dhe vrarë nga represioni i Diktaturës Policore dhe që të gjithë e dinë që askush nuk mund ta bëjë sa unë!

Arsyeja se pse deputetët e Opozitës duhet të votojnë emrin tim është pikërisht mënyra se si përballem unë me regjimin si e vetmja mënyrë për të mbrojtur ata që i votojnë këta tradhëtarë që po shesin të gjithë votuesit e tyre tek Taulant Balla, që të braktisen në qeli dhe komisariate!”, shkruan Avokati Altin Goxhaj./ CNA.al