E fundit!

07:19 Sociale

Rekord punësimi i të huajve, arrin 22,7 mijë shtetas; 50% e tyre nga Filipinet, India dhe Egjipti

Shqipëria ka arritur rekord për punësimin e shtetasve të h...

Alarmi për gazetarët e shkarkuar nga RTSH-ja/ Zhupa: Policia s’mund të kurojë imazhin e Pezës

1 Gusht 2024, 17:20, Aktualitet CNA

Alarmi për gazetarët e shkarkuar nga RTSH-ja/ Zhupa: Policia

Alfred Peza, foto: LSA

Asociacioni i Gazetarëve të Shqipërisë ngriti këtë të enjte alarmin për veprimet e drejtorit të Përgjithshëm të Radio Televizionit Shqiptar, Alfred Peza, dhe Policisë së Shtetit.

Sipas denoncimit të AGSH-së, të paktën 5 ish-punonjës të RTSH-së janë thirrur në Policinë e Tiranës, janë marrë në pyetje dhe u janë kontrolluar telefonat celularë për shkak të një kallëzimi të bërë nga Alfred Peza për “prishje imazhi”.

Lidhur me deklaratën e AGSH-së ka ardhur një reagim edhe nga deputetja e PD-së, Ina Zhupa.

Kjo e fundit dënon sjelljen e policisë, teksa thotë se nuk mund të kontrollohen telefonat e gazetarëve që janë shkarkuar në mënyrë abuzive, pa një urdhër gjykate, për të kuruar imazhin e Pezës.

Shkarkimet në RTSH/ ASHG: Alfred Peza të mos frikësojë ish-punonjësit, po u kontrollohen telefonat
1 Gusht, 12:45

Zhupa thekson se Peza mund ta kurojë imazhin e tij duke mos bërë veprime në shkelje të ligjit, siç janë shkarkimet e padrejta dhe abuzimet me fondet e RTSH-së.

Deklarata e plotë:

Dënoj me ashpërsi sjelljen e paprecedentë me gazetarët të policisë së shtetit.

Policia e Shtetit nuk mund të kërkoj kqyerjen e telefonave personal pa urdhër gjykate dhe të thërras në polici gazetar që kanë denoncuar shkarkimet abuzive nga puna në RTSH sepse i prishet imazhi Alfred Pezës.

Si kryetare e komisionit të Edukimit dhe Mjeteve të Informimit Publik kërkoj respektimin e të drejtave të gazetarëve, garantimin e lirisë së shprehjes dhe mos cënimin e të drejtave kushtetuese dhe civile.

Deputetja Ina Zhupa

Alfred Peza imazhin e vet ta kuroj duke mos shkarkuar njerëz në mënyrë të padrejtë, duke mos abuzuar me fondet e RTSH, duke mos punësuar në mënyrë të paligjshme me paracaktim miq dhe të afërt dhe jo duke përdorur terror policor për shkak të lidhjeve me mazhorancën.

Policia e Shtetit të ndaloj këtë sjellje të paprecedent kur ska asnjë vepër të konsumuar nga gazetarët, vecse ushtrimit të lirisë së tyre së shprehjes.

Gjithashtu përshendes reagimin e menjëhershëm të Asociacionit të Gazetarëve të Shqipërisë, si organizëm në mbrojtje të gazetarëve./ CNA