web counter
LEXO PA REKLAMA!

SHKARKO APP

App Store
Google Play

Aktori Mehdi Malkaj probleme me zemrën, shtrohet në spital

3 Gusht 2024, 08:39, Aktualitet CNA
Aktori Mehdi Malkaj probleme me zemrën, shtrohet në spital
Mehdi Malkaj

Aktori i njohur Mehdi Malkaj është shtruar në reanimacionin e Kardiologjisë në QSUT, pasi ka shfaqur probleme shëndetësore në zemër. 

Në spital është paraqitur pasditen e djeshme dhe gjendja e tij paraqitet e qetë. Ditën e sotme ai pritet t’i nënshtrohet ekzaminimeve të tjera mjekësore. 

Aktori ishte në spitalin e Traumës duke vizituar një të afërm të tij dhe papritur ka ndjerë shqetësime, dhimbje në krahun e majtë.

Kush është Mehdi Malkaj?

Mehdi Malkaj është lindur në 20 mars të vitit 1952 në qytetin e Memaliajt. U diplomua në Institutin e Lartë të Artevenë vitin 1983.

Fillon punë në Estradën e Ushtarit dhe më pas në Teatrin e Varietesë së Tiranës. Në teatër do ta gjejmë në disa role si rolin e Babait në dramën “Babai” e Ruzhdi Pulahës, në rolin e Shëvalit në komedinë e "Darka e të marrëve" e Veberit, në rolin e Shmalcit në dramën "Franku i V-të" e Fridrih Dyrrenmatit etj..

Në kinematografi ka interpretuar në shumë role. Roli i tij i parë do të jetë ai i Milo budallait në filmin “Përrallë nga e kaluara” në vitin 1987. Më tej do të vazhdonin edhe role të tjera në shumë filma si roli i pijanecit në filmin "Jeta në duart e tjetrit" në vitin 1990, roli i babait të Lolos në filmin “Shpella e piratëve në vitin 1991.

Por roli që do ta bëjë të njohur për publikun do të jetë roli i xha Brahos në komedinë televizive "Gjuetia e fundit" në vitin 1992. Roli i tij më i fundit është roli i Emil Bregut në filmin “Ne dhe Lenini” në vitin 2009./CNA 





Lajmet e fundit nga