E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

8 dhjetor 1990/ "Konviktet e blinduara", Afrim Krasniqi rikujton raportimet e "Zërit të Amerikës"

8 Dhjetor 2022, 12:31, Aktualitet CNA

8 dhjetor 1990/ "Konviktet e blinduara", Afrim Krasniqi rikujton

Analisti dhe politologu i njohur, Afrim Krasiqi, ka zgjedhur që në nderim të "Ditës së Rinisë", të kujtojë raportimet që bënte VOA, kur raportonte për protestat e dhjetorit 1990.

"VOA 1990, kur raportoi lajmet mbi protestat e 8-9 dhjetorit. Ishin ditët që ndryshuan Shqipërinë. Sot bëjnë statuse personale më shumë ata që ato ditë & dekada ishin kundër 8/12 sesa ajo pakicë rinore që ishte pro, por le ta bëjnë!

I kanë marrë të gjitha, le ta marrin edhe 8 dhjetorin. Ky vend ka pasur e ka më shumë histori abuzimi me lirinë sesa respekt ndaj lirisë!

Rëndësi ka që 8/12 ua mundësoi lirinë, ua hoqi frikën dhe ua dha mundësinë të mendojnë, ani pse mendjet e mentaliteti janë të tyret.

Respekt për 8/12 dhe bashkëmoshatarët që ato ditë, me qytetari, kurajë dhe idealizëm, bënë detyrën e tyre ndaj vendit."- shkruan Krasniqi.

Në fakt, protestat e dhjetorit 1990, ishin një ngjarje që luajti një rol kyç në demokracinë e Shqipërisë.

Asokohe "Zëri i Amerikës" përcillte parullat e studentëve dhe situatën e atyre ditëve në Tiranë, ku ndër të tjera thuhet se konviktet ishin të rrethuara dhe se forcat e sigurimit me mjete të blinduara shtypën demonstratat.

Pak nga raportimet e "VOA"-s, të risjella nga Afrim Krasniqi.

“Njoftimet zyrtare nga Tirana nuk dhanë hollësi lidhur me numrin e demonstruesve dhe nëse pati viktima gjatë përleshjeve. Agjencia e lajmeve Rojter (Reuters), njoftoi se studentët duke thirrur ‘Duam reforma’ dhe ‘poshtë diktatura, u përleshën me forcat e sigurimit.
Sipas burimeve në Tiranë parmbrëmë nja 5 mijë studentë morën pjesë në një demonstratë duke hedhur parulla: ‘mjaft më në robëri’. Thuhet se forcat e sigurimit të mbështetura me mjete të blinduara i shtypën demonstratat. Një qytetar nga Tirana i tha 'Zërit të Amerikës' se sot në mëngjes konviktet ishin të rrethuara, se dëgjohej zhurmë e madhe dhe dukej se demonstrata vazhdonte brenda…
Agjencia e lajmeve 'ANSA', 'Rojter' bëjnë të ditur se dje në Tiranë është bërë një protestë studentësh. Mund të thuhet se është e para protestë që bëhet nga studentët shqiptarë. Nga ana e vet studentët kanë shprehur pakënaqësinë e tyre se s’ka elektricitet, megjithëse kjo gjë është një truk sepse studentët e dinë shumë mirë se kërkojnë lirinë e vendit të tyre, të vërtetën, lirinë demokratike në vetkuptimin e fjalës”./CNA.al