28-29 Nëntori/ Lubonja: Festimet, hipokrizi, politikanëve iu duket vetja si Skënderbeu

29 Nëntor 2022, 18:15, Aktualitet CNA

28-29 Nëntori/ Lubonja: Festimet, hipokrizi, politikanëve iu duket

Analisti Fatos Lubonja

Analisti Fatos Lubonja i ka vlerësuar si hipokrizi festimet në dy datat e rëndësishme për Shqipërinë, si 28-29 Nëntori.

Lubonja ka bërë një krahasim ku tregon se Enver Hoxha qante kur dëgjonte këngën "Për ty Atdhe" se, mendonte se i drejtohej atij, ndërsa politikanëve tanë në këtë ditë iu duket vetja si Skënderbeu.

I ftuar në rubrikën "Opinion", Lubonja vijon më tej duke thënë se vetëm në këto dy ditë bëjnë sikur e duan atdheun dhe pjesën tjetër të vitit e shkatërrojnë.

Këtu ai përmend edhe faktin e largimit të njerëzve nga Shqipëria, duke thënë se duke parë këto situata është një hipokrizi ajo që ndodh me festimet.

“E quaj këtë ditë si ditë të hipokrizisë. Bëjmë sikur flasin për atdheun, e duam atë, sikur në këtë ditë ne tregojmë gjithë dashurinë tonë, ndërkohë që 356 ditë të tjera e shkatërrojmë atdheun. Sot është dita kur dalin ata që na përfaqësojnë, që dalin dhe identifikohen me atdheun. Enver Hoxha qante kur dëgjonte atë; Për ty atdhe. E identifikonte veten si Atdheu ai. Dhe këta e identifikojnë veten si Skënderbeu. Gjersa ikin njerëzit nga atdheu, atëherë për çfarë bëhet fjalë. Është një hipokrizi e madhe që shkojnë atje. Shumë të tjerë thonë; jam pushim, dhe do dalim në restorant që të relaksohemi. Sjellin dhe Dua Lipën që të kërcejnë njerëzit. Koncerte bënte dhe Enveri. Pare me cikun do populli. Këta japin dhe cirk herë pas here. Ne që vijmë këtu dhe që kemi detyrë që ta shohim pak më ftohtë, them se Atdheu, atje ku jam mirë, atje është atdheu. Nga një herë më vjen të them më mirë mos të lindte Shqipëria fare se sa të udhëheqje nga vetja. Në kohën e Enverit i këndohej atdheut, një burg i madh. Tani në këto 30 vite është vazhdimësi e asaj fryme. Ka ndryshim, por varet se çfarë ndryshimi. Disa thonë; Porti i Durrësit është diçka e mirë, apo inceneratorët (qesh), por e kam të vështirë që të gjejë diçka të mirë. Nga një izolim i tmerrshëm, është kthyer në një udhëkryq kalimtarësh, si Fushë-Kruja, si udhëkalim. Kështu duan ta kthejnë këta kur thonë; do sjellim bangladeshas”, Lubonja./ CNA.al