E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Berisha tregon armiqtë kryesorë të medias/ “Të dy vijnë nga 'Shoqëria e Hapur' e Sorosit”

23 Maj 2022, 09:55, Politikë CNA

Kryetari i Partisë Demokratike, Sali Berisha, gjatë fjalës së tij sot në Kuvend, është ndalur te liria e medias, për të cilën tha se ndodhet në një situatë dramatike.

Berisha tha se dy armiqtë kryesorë të medias së lirë në Shqipëri, janë kryeministri Edi Rama dhe kryebashkiaku i Tiranës, Erion Veliaj.

Sipas tij, të dy këta vijnë nga ?Shoqëria e Hapur? e George Soros.

?Dy janë armiqtë e fjalës së lirë në Shqipëri. Njëri quhet Edi Rama, i cili përveç sjelljes së dhunshme verbale, përveç fyerjeve, ndëshkimeve absurde të gazetarëve për shkak të pyetjeve që i bëjnë, ai krijoi edhe Agjencinë e Dezinformimit, i frymëzuar nga regjimet autokratike. Përgatiti ligjet për të dënuar të gjitha portalet që nuk i nënshtrohen atij. Ndërmerr sanksione dhe ushtron presion mbi pronarët e mediave nëse linjat e tyre editoriale nuk përputhen me Qeverinë.

Edi Rama i lejon vetes të përdorë fyerje, sharje, kërcënime ndaj gazetarëve për të cilat do ta kishin lakmi edhe etërit e tij, xhelatët e fjalës së lirë.

Me fjalorin e tij ai është bërë i famshëm edhe në Europë. Nga ndëshkimet ndaj gazetarëve deri te reminishencat e fëmijërisë së tij kur gjyshja i thoshte ‘mos u zgërdhi si budalla’, ai thotë se gjyshja më thoshte ‘nga buzët e budallait dalin vetëm buzëqeshje’.

Njeri me kulturë mizerabël. E gjithë pasuria e tij bazohet në filmat e kinostudios ?Shqipëria e re? dhe në librin e mashtrimeve të Nastradinit, për të cilat e tejkalon.

Po kaq armik i fjalës së lirë është edhe Erion Veliaj.

Erion Veliaj përbën variantin më të shëmtuar të zyrtarit të qëndrimit ndaj fjalës së lirë, gazetarëve dhe pronarëve të mediave. A mund të imagjinoni ju që këta dy zotërinj vijnë nga ‘Shoqëria e Hapur’ e Sorosit. Këta janë fabrikate të ‘Shoqërisë së Hapur’, e cila duhet të jetë e kundërta.

Pra, kemi të bëjmë me një situatë dramatike.?-tha Berisha./CNA.al