web counter
LEXO PA REKLAMA!

SHKARKO APP

App Store
Google Play

“U krye”/ Berisha mban fjalimin e parë si kryetar i PD-së

22 Maj 2022, 21:14, Politikë CNA

?U krye?. Kjo ka qenë fjala e parë e Sali Berishës gjatë një daljeje për media, pas përfundimit të procesit të numërimit të votave.

Berisha shprehu mirënjohje për të gjithë demokratët që e votëbesuan, ndërsa shtoi se 22 maji do të shënohet në historinë e lirisë së shqiptarëve të shekullit XXI.

?U krye. Nuk kam një fjalim të gjatë sot, por kam një mirënjohje të pakufijshme për të gjithë ata djem dhe vajza që për një hark kohor si njerëz të lirë në një proces që do të regjistrohet në historinë e lirisë së shqiptarëve si liria e shekullit XXI. 31 vite më parë, një mik i madh i kombit tonë në vizitën e tij historike do t’u thoshte shqiptarëve se ju do të jeni të lirë të zgjidhni udhëheqësit tuaj. Anëtarët e PD-së, njerëz të idealeve më të larta dhe fisnike, njerëz të lirë, bënë historinë në një proces të mrekullueshëm. Ndaj, mirënjohja shkon drejt atyre. Kam një mirënjohje të pakufijshme ndaj të gjithë anëtarëve të 22 majit, lanë të gjitha obligimet dhe votuan për të zgjedhur kryetarin e  tyre?, tha Berisha.

Kryetari i zgjedhur i PD-së theksoi se besimi që i është dhënë është një detyrim i madh për të, ndërsa shprehu bindjen se bashkë me demokratët që e mbështesin do ia dalin për të rrëzuar këtë regjim.

?Ky besim i jashtëzakonshëm i tyre është për mua një detyrim i madh. Detyrim shumë i madh, por unë kam bindjen se së bashku me ju ne do ia dalim. Ne jemi në një mision, ne jemi ata që kemi për pasion lirinë dhe mision proceset që njeh PD t’i njohë mbarë shoqëria shqiptare dhe të shpëtojmë Shqipërinë nga një regjim që nuk e meriton?, tha Berisha./CNA.al





Lajmet e fundit nga