E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Rama kërkoi shkëputjen nga Maqedonia e Veriut/ Opozita kërkon mocion me debat

13 Maj 2022, 11:27, Politikë CNA

Kryeministri Edi Rama ka kërkuar shkëputjen e Shqipërisë nga Maqedonia e Veriut, në procesin e integrimit në BE.

Ndërkohë, në lidhje me këtë ka ardhur reagimi nga deputetët e opozitës.

Një grup deputetësh i janë drejtuar me një kërkesë kryetares së Kuvendit, Lindita Nikolla, ku kërkojnë mocion me debat për çështjen në fjalë.

Sipas tyre, deklarata e Ramës është skandaloze, turpëruese, keqdashëse dhe antieuropiane.

“Zonja Kryetare, siç është bërë e ditur nga mediat, Kryeministri Edi Rama sot në Bruksel është shprehur: Ndërkohë, besoj që të gjithë e kanë të qartë që kjo situatë nuk mund të vazhdojë më gjatë. Megjithatë, ne do të ndryshojmë menjëherë kurs, sic e kemi thënë dhe sic e kemi marrë nga Këshillimi Kombëtar në rast se nuk do të kalojë në fazën tjetër vendi ynë për t’u ulur formalisht në tryezë për negociata”.

Ne, si deputetë të Kuvendit të Shqipërisë, e gjejmë këtë deklaratë të Kryeministrit Edi Rama skandaloze, turpëruese e keqdashëse, në dëm të të ardhmes europiane të qytetarëve shqiptarë.

Thellësisht të shqetësuar, bazuar në nenin 98 të Rregullores së Kuvendit të Shqipërisë, po dorëzojmë këtë kërkesë për mocion me debat publik URGJENT në Kuvend në lidhje këto deklarata antieuropiane e të rrezikshme të Kryeministrit Edi Rama në Bruksel.

Neni 98, pika 2 e rregullores kërkon mbledhjen brenda tre ditësh të Konferencës së Kryetarëve nga ana e Kryetares së Kuvendit për vendosjen e datës së zhvillimit të mocionit në seancë plenare.

Por meqenëse bëhe fjalë për një çështje të një rëndësie jetike për të gjithë qytetarët shqiptarë, kërkojmë nga ana juaj mbledhjen URGJENTE, brenda ditës së premte datë 13.05.2022 të Konferencës së Kryetarëve dhe thirrjen e Parlamentit në seancë plenare të jashtëzakonshme ditën e hënë datë 16.05.2022 ku të debatohet rreth cështjeve të integrimit European dhe të shprehet edhe një herë vullneti për rrugën pro europiane të Shqipërisë në BE?, thuhet në kërkesë./CNA.al