web counter
LEXO PA REKLAMA!

SHKARKO APP

App Store
Google Play

E fundit!

x

Drafti për zgjedhjen e Presidentit/ Alibeaj i shkruan Dodës, Mediut dhe Ballës

13 Maj 2022, 10:02, Politikë CNA

Deputeti i PD-së, Enkelejd Alibeaj, u është drejtuar me një letër grupeve parlamentare në lidhje me draftin e tij për zgjedhjen e Presidentit të ri.

Mësohet se shkresa i është drejtuar, Mesila Dodës, Fatmir Mediut dhe Taulant Ballës.

?Në vlerësimin tonë, Presidenti i Republikës, i cili sipas nenit 86 të Kushtetutës përfaqëson unitetin e popullit, duhet të zgjidhet në një proces gjithëpërfshirës, konsensual midis shumicës dhe pakicës parlamentare, transparent, luajal ndaj Kushtetutës dhe interesave të qytetarëve. Paraqitja e këtij qëndrimi është një dëshmi e vullnetit tonë të mirë për një proces, i cili t’u japë shqiptarëve një figurë presidenciale dinjitoze, në lartësinë e detyrës kushtetuese dhe me legjitimitet të plotë.

Megjithatë, dokumenti, bashkëlidhur kësaj shkrese, nuk ka si qëllim ngurtësimin e një procesi që favorizon opozitën, por synon gjithëpërfshirjen. Për këtë arsye, ky propozim është i hapur për diskutime, përmirësime apo propozime shtesë nga të gjitha grupet parlamentare, me synimin e vetëm të ndërtimit të një procesi transparent dhe që prodhon produkt të gjithëpranuar. Pasi të njiheni me këtë dokument, mbetemi në pritje të qëndrimit tuaj publik?, i shkruan Alibeaj Taulant Ballës, Mesila Dodës dhe Fatmir Mediut.

Sipas draftit në formulën e zgjedhjes së Presidentit, ai kërkon që opozita të propozojë 4 emra kandidatësh e mes tyre të arrihet në një dakordësi mes mesazhorancës dhe opozitës për emrin që do t?i dërgohet Parlamentit për votim./CNA.al





Lajmet e fundit nga