web counter
LEXO PA REKLAMA!

SHKARKO APP

App Store
Google Play

E fundit!

x

“Kushëriri investitor në Butrint”/ Gjiknuri sfidon Shehajn: Më dëmshpërble nëse…

11 Maj 2022, 14:34, Politikë CNA

Deputeti i Partisë Demokratike, Agron Shehaj, ngriti sot akuzat se kushëriri i Damian Gjiknurit është shpallur investitor strategjik dhe do të ndërtojë një resort në parkun e Butrintit.

Pas kësaj deklarate, ka ardhur reagimi i vetë sekretarit të Përgjithshëm të Partisë Socialiste, i cili refuzon që biznesmeni që do të ndërtojë në Butrint të jetë djali i xhaxhait të tij.

Me anë të një statusi në rrjetet sociale, Gjiknuri deklaron se nëse gjykata provon se investitori është kushëri i tij, ai do të mbajë përgjegjësi. Në të kundërt, ai thekson se do të kërkojë dëmshpërblim nga Shehaj.

?E siguroj deputetin Agron Shehaj se unë nuk jam si ata të partisë së tij që mohuan baxhanakun e ndjerë në Gërdec. Nuk kam ama se si të pranoj që çdokush që mban mbiemrin Gjiknuri dhe që merret me biznes duhet të jetë automatikisht djali i xhaxhait tim. Çdokush mban përgjegjësi e përgjigjet për ato që bën. Le ta provojë gjykata e do ta mbaj unë përgjegjësinë, por nëse unë nuk e kam djalë xhaxhai personin e përgojuar nga Agron Shehaj, atëherë Agroni duhet të më dëmshpërblejë për cënim të qëllimshëm të imazhit!?, shkruan sekretari i PS-së./ CNA.al





Lajmet e fundit nga