E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Xhafaj flet pa filtra/ Drejtësia e varur nga politika e pushtetarët sjell shtet të dobët

10 Maj 2022, 12:52, Politikë CNA

Deputeti i PS-së, Fatmir Xhafaj, e cilësoi drejtësinë si një sistem të varur nga politika dhe individët e pushtetshëm, ineficientë dhe joprofesionalë. Sipas tij, kjo ka sjellë dobësimin e shtetit në 30 vitet e fundit.

Xhafaj tha se aktualisht po punohet se për të garantuar një shtet të së drejtës në një rrugë të gjatë, me kthesa dhe pengesa, por pa asnjë prapakthehu.

?Historia e zhvillimit shoqëror, vetë përvoja e tranzicionit të vendit tonë dhe të ngjashmëve me ne veçanërisht, dëshmojnë qartë se një sistem drejtësie i varur nga politika dhe individët e pushtetshëm, inefiçentë dhe joprofesionalë, mundësojnë një shtet të dobët, qeverisje autokrate dhe korrupsion në të gjitha nivelet qeverisëse. Nga ana tjetër, historia e demokracive të zhvilluara, dëshmon se shteti i së drejtës është garanci. për një demokraci të shëndetshme, për një qeverisje të mirë dhe respektim të lirive dhe të drejtave të njeriut. Pikërisht këtë synojmë ne në thelb me reformën historike për reformimin e drejtësisë në vendin tone?, u shpreh ai në një intervistë për gazetën Tema.

Për sa i përket Reformës në Drejtësi, deputeti deklaroi se: ?Reforma, produkt dhe rezultat i një sërë faktorësh e aktorësh politik e profesional, vendas dhe ndërkombëtar, tashmë është një realitet konkret, i prekshëm dhe me rezultate domethënëse. Asaj jo thjesht i referohen të gjithë, edhe kundërshtarët e vjetër dhe të rinj pavarësisht motiveve që i bëjnë bashkë, por kryesorja është fakti se qytetarët e shohin atë si të vetmen shpresë e disa edhe shpresën e fundit për të bërë kthesën, ndryshimin e shumëpritur?.

Më tej, Xhafa ka renditur disa nga ato që ai i quan arritje të Reformës në Drejtësi.

?Së pari, thelbësore është që reforma në sistemin e drejtësisë, pavarësia reale në ngritjen dhe funksionimin e institucioneve të tij pas 30 vitesh, është duke sjellë gradualisht më në fund autoritetin real dhe të qartë të pushtetit të drejtësisë përballë dy pushteteve të tjera duke çuar kështu më së fundi në jetësimin e atij parimi thelbësor të sistemit demokratik të qeverisjes, balancës dhe kontrollit ndërmjet pushteteve;

Së dyti, pavarësia reale e garantuar tashmë më së fundi me kushtetutë dhe me ligj për ngritjen dhe funksionimin e institucioneve të reja të sistemit të drejtësisë, dhe kryesorja në vendimmarrjen e gjyqtarëve apo prokurorëve në dhënien e drejtësisë, në karrierën dhe promovimin e tyre, etj;

Së treti, vetëqeverisja dhe vetëmenaxhimi i gjyqësorit dhe prokurorisë përmes institucioneve tërësisht të pavarura, të përfaqësuara me shumicën e zgjedhur po prej tyre e në çdo rast jo nga politika, si dhe me përgjegjësi të plota kushtetuese e institucionale;

Së katërti, krijimi i një trupe gjyqtarësh e prokurorësh me integritet moral, etik dhe profesional përmes pastrimit të radhëve të sistemit nga procesi i vettingut;

Së pesti, ndër më të rëndësishmet, kemi shembujt e parë të goditjes së korrupsionit në nivelet e larta si sinjale të para pozitive me shpresën se mund t?i jepet goditje e fortë dhe aq e shumëpritur fenomenit të pandëshkueshmërisë korruptive për politikanët dhe zyrtarët e lartë;

Këto e të tjera janë risi e arritje të prekshme. Natyrisht gjendemi ende në proces konsolidimi, por jemi në rrugën e mbarë. Jam i bindur se në muajt dhe vitet në vijim do të mund të shohim rezultate akoma më domethënëse si dhe zhvillime më të mira që lidhen edhe me efiçencën, profesionalizmin, llogaridhënien e transparencën e sistemit, ku kryesorja mbetet goditja e pandëshkueshmërisë dhe forcimi i barazisë para ligjit?, nënvizoi Xhafaj./ CNA.al