E fundit!

22:00 Ekonomi

Mbiçmim i lekut?/ Zëvendësministri i Ekonomisë sqaron situatën

Zëvendësministri i Ekonomisë dhe Inovacionit, Enkelejd Mus...

Nga 21 Janari te Gërdeci/ Gazetarja “dhëmbë më dhëmbë” me Sali Berishën

7 Maj 2022, 18:58, Aktualitet CNA

Mbrëmjen e sotme kanë nisur protestat në të gjitha qytetet para komisariateve, për vetëvrasjen e Ilvi Metës.

Në Tiranë, protesta po zhvillohet para Kryeministrisë ku qytetarët ndezën qirinjtë në shoqërinë e ish-kryeministrit Sali Berisha dhe eksponentëve të tjerë të PD.

Por gjatë një prononcimi për gazetarët, Berisha është vënë në siklet nga gazetarja Rovena Cerka, e cila i ka përmendur ngjarjen e 21 Janarit të 2011-ës ku mbetën viktima 4 protestues.

Ish-kryeministri ka treguar se përse sipas tij vetëvrasja e Metës ka ndryshim me 21 Janarin, ndërsa është ndalur dhe te ngjarja e Gërdecit.

Debati:

Gazetarja: Vetëm për t?ju kujtuar se ndoshta kanë kaluar shumë vite, në vitin 2011 janë vrarë 4 njerëz nga dhuna qeveritare. Pse nuk keni pasur një reagim atëherë?

Berisha: Tani, je fare fare gabim për këto që thua…

Gazetarja: 4 njerëz kanë humbur jetën nga armët e ministrisë së Brendshme.

Berisha: Po, kanë humbur jetën 4 njerëz, të cilët?

Gazetarja: Në këtë Bulevard?

Berisha: Në këtë Bulevard, të cilët në një demostratë që po gjuanin me plumba xhamat e Kryeministrisë, me plumba?

(Ndërhyn gazetarja)

Berisha: Tani nëse do të gënjesh?

Gazetarja: Pse jeni ju më i mirë?

Berisha: Në qoftë se doni të gënjeni para njerëzve, një minut, një minut…

Gazetarja: Zoti Berisha ta mbaroj pyetjen…

Berisha: Nëse doni të gënjeni para kamerave ju dilni gënjeni…

Gazetarja: Çfarë ju bën ju më të mirë sesa qeverinë?

Berisha: Ju mund të turpëroheni me këtë që gënjeni sepse ka patur plumba në xhama dhe janë të fotografuara. Përveç mediave që s?duan t’i shohin, të gjitha mediat i kanë parë plumba në xhamat e zyrës së kryeministrit. Kurse, vijmë te 4 njerëzit. Është Sali Berisha ai që ka kërkuar të shpallen? Lëre mos lexo mesazhet ti?

Gazetarja: Nuk kam gjë te mesazhet unë, mos u bëj merak. Të dëgjoj me vëmendje.

Berisha: Lexoi lexoi po deshe, po?

Gazetarja: Pa merak fare?

Berisha: Pra, jam unë…

Gazetarja: Çfarë e bën qeverinë tuaj të vitit 2011 më të mirë se ajo e Edi Ramës?

Berisha: Tani a po flet? A pyete njëherë?

Gazetarja: Po s?po marr përgjigje.

Berisha: Po s?po më le. Një minut? Është Sali Berisha që ka kërkuar në mënyrë të përsëritur në Parlament shpalljen e tyre vrasje shtetërore pa dashje. Pse? Jo të këtyre, të Gërdecit. Pse e kam bërë këtë? Sepse karantinimi i sigurisë së sajtit, të vendit, ka qenë i ministrisë së Mbrojtjes. Ndërsa këta zotërinjtë këtu janë vlerësuar të gjithë dhe janë dhënë disa dënime për tejkalim kompetence nga Garda. Ka një dallim shumë të madhe për atë që do të shohë dallimin.

Garda u sulmua dhe u agresua, dhe ka një ligj që thotë se ?në rast se një zyrtar i Gardës agresohet njëherë, qëllon në ajër, në rast se vazhdon për së dyti, qëllon te këmbët, në rast se vazhdon për së treti, rreziku asgjëson kërcënuesin. Garda nuk vepron me urdhër, veproi me një ligj që e ka miratuar PS. Tani duke të thënë këtë të jap përgjigje të krahasosh një person që gjuan me gur apo dinamit një ushtar të Gardës, me një person që ndodhet në qeli, i arrestuar apo jo, por që ndodhet në vendin më të sigurtë dhe të dalë i vdekur, ka një verbëri militanteske./ CNA.al