web counter
LEXO PA REKLAMA!

SHKARKO APP

App Store
Google Play

Pas mesazhit të Zelenskit në Kuvend/ Rama "zbret" në Varshavë

5 Maj 2022, 07:55, Aktualitet CNA

Kryeministri Edi Rama ndodhet në Varshavë, Poloni, ku do të mbahet Konferenca e Donatorëve për Ukrainën.

Ashtu siç edhe tha kryeministri të martën e kaluar, Shqipëria do të japë ndihmën e saj për Ukrainën, ndërsa u shpreh se do të jetë një ndihmë modeste.

Kjo konferencë, në të cilën do të marrin pjesë krerët e shteteve, i dedikohet qëllimit të përbashkët për të mbështetur reagimin humanitar të OKB-së në Ukrainë dhe për të diskutuar hapat e mëtejshëm drejt mbështetjes së përpjekjeve të Ukrainës për të trajtuar sfidat ekonomike të krijuara nga lufta.

Ndërkohë që në këtë konferencë nuk do të mungojë, Presidenti i Ukrainës, Volodymyr Zelensky, i cili do t?i drejtohet përmes një videomesazhi.

Kjo konferencë vjen pas mesazhit të Presidenti të Ukrainës, Volodymyr Zelensky, në Kuvendin e Shqipërisë, ku kërkoi që të kufizohet hyrja e turistëve rusë në vendin tonë.

“Sado e vështirë të jetë duhet të kufizoni marrëdhëniet me Rusinë se nesër Rusia do përdorë lidhjet tregtare për të goditur tregun tuaj kur të dojë.Ju kërkoj të mbyllni portet për anijet ruse, të kufizoni ardhjen e turistëve rusë.Nuk e dini kush janë. Ndonjëri nga ata mund të jetë autor i masakrës në Bucha, apo xhelatët e Mariupolit?, deklaroi Zelenksy./ CNA.al





Lajmet e fundit nga