web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja Rama-Basha “zbret” në tryezën e Presidentit

4 Maj 2022, 12:05, Politikë CNA

Edhe pse publikisht ka dhënë dorëheqjen nga drejtimi i Partisë Demokratike, Lulzim Basha duket se nuk heq dorë nga marrëveshjet me kryeministrin Edi Rama dhe dyshimet janë se ka një pakt edhe për zgjedhjen e Presidentit.

Mazhoranca socialiste vijon show-n në lidhje me procesin e zgjedhjes së Presidentit të ri, ndërsa sot ?aktorëve? të teatrit u është shtuar edhe ?masha? e Lulzim Bashës, Enkelejd Alibeaj.

cna lajme politikeRreth mesditës së sotme është mbledhur konferenca e kryetarëve për të përcaktuar kalendarin e punimeve për zgjedhjen e kreut të ri të shtetit.

Mbledhja e sotme filloi me show-n e radhës nga Enkelejd Alibeaj, i cili vijon t’u plotësojë skenarin socialistëve në farsën për zgjedhjen e Presidentit, duke dalë edhe me propozime për PS-në.

Në fillim të mbledhjes, Alibeaj propozoi që data për nisjen e  procesit të zgjedhjes së Presidentit të jetë data 10 maj.

?Procesi i zgjedhjes së presidentit, është proces që duhet të jetë në shërbim të publikut. Është proces që zhvillohet për shkak të parashikimeve kushtetuese, brenda godinës së parlamentit, por duhet një produkt që duhet ti shërbeje publikut. Duhet të bëjmë zgjedhjet tona që publiku të jetë i mirinformuar. Për këtë arsye unë sugjeroj që si datë, si moment i sartimit të procesit të fillimit të zgjedhjes së presidentit, raundi i parë në maksimumin e vet 7 ditë nga ai moment dhe unë medoj se duhet ta zhvillojmë si traditë që konferenca e kryetarëve do të duhet ta përcaktojë në mënyrë të përbashkët. Afati i fundit është 24 maj. Kushtetuta thotë se procesi duhet të fillojë të paktën 24 maj. Ne jemi në kohë, që të përcaktojmë si moment të parë, fillimin nga ku starton procesi i zgjedhjes së presidentit, unë propozoj të jetë data 10 maj. ?,-tha ndër të tjera Alibeaj.

Por, ?surpriza? ka ardhur më pas nga kreu i grupit parlamentar të PS-së, Taulant Balla, i cili me ?dashurinë? më të madhe pranoi propozimin e Enkelejd Alibeajt.

?Jam këtu për të kërkuar që në asnjë aspekt të mos bëjmë shkelje që produkti i procesit të jetën anti-kushtetues. Nëse ju do insistonit deri në fund se doni më shumë kohë që data e fillimit të jetë data 10 e vetmja zgjidhje është që konferenca të ndërpresë punimet dhe të vazhdojë mbledhja në datën 10. Konferenca e Kryetarëve rimblidhet me datën 10 dhe me datën 16 të jetë raundi i parë. Për pjesën e dytë, e përcakton kushtetuta.?- tha Balla.

Pra, ajo që ndodhi në mbledhjen e sotme, ku Alibeaj i cili mendon se është kryetar i PD-së, sepse e ka komanduar Gazment Bardhi, propozon dhe Balla pranon me ?dashuri? propozimet, çon në dyshime të forta se edhe ?Presidenti? i ri, do të jetë një pazar mes Ramës dhe Bashës.

Nga ana tjetër ka edhe një detaj. Taulant Balla pranoi propozimin e Alibeajt, por ama ?rastësisht? hodhi poshtë kërkesën e Fatmir Mediut, për të përfshirë të gjithë deputetët e Kuvendit në procesin e konsultimeve për zgjedhjen e Presidentit.

Pra, Balla nuk e do në negociata ish-kryeministrin Berisha apo të tjerë deputetë që nuk bëjnë pazare me Ramën, dhe përballë kërkon të ketë Enkelejd Alibeajn, edhe pse ky i fundit është shkarkuar si kryetar i grupit parlamentar të PD-së në Kuvendin e 30 prillit./CNA.al

Afatet për zgjedhjen e Presidentit/ Alibeaj, me propozim për PS-në

?Plas? dashuria mes Ballës dhe Alibeajt/ Propozimet që i nxorën zbuluar





Lajmet e fundit nga