E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Ibsen Elezi, thirrje urgjente Këshillit Kombëtar/ Katër arsye pse duhen ndaluar zgjedhjet për kreun e PD-së

4 Maj 2022, 10:46, Politikë CNA

Ish-kreu i degës së PD-së në Kukës, Ibsen Elezi, i është drejtuar me një thirrje urgjente Këshillit Kombëtar të sapozgjedhur.

Në një postim në rrjetet sociale, Elezi rendit katër arsye se pse Këshilli Kombëtar duhet të ndalojë zgjedhjet për kreun e PD-së.

?Këshillit Kombëtar të sapozgjedhur !

Duke qënë se tashmë është i vetmi organ legjitim i dalë, mbledhja e tij dhe ndalimi i procesit të zgjedhjes së kryetarit të PDSH është imediate.

Së pari, është shpallur një garë pa primare në kundërshtim me vendimet e Kuvendit të datës 11 Dhjetor.

Së dyti, gara 15 ditore për të realizuar takime në rreth 80 degë është shumë e shkurtër.

Së treti, Kuvendi i 11 Dhjetorit vendosi që listat duhet të saktësohen nga seksionet dhe degët gjë e cila nuk është realizuar akoma që prej 4 muajsh, dhe ky proces nuk mund të realizohet me listat e Lulit si në 13 qershor 2021.

Së katërti, Z.Berisha po vazhdon të flasë dhe të japë konferenca shtypi si të jetë de fakto kryetar i PDSH, ndërkohë që ai akoma është një nga 250 anëtarët e këshillit, kjo sjellje kompromenton gjithë procesin zgjedhor pas 11 Dhjetorit.?-shkruan Ibsen Elezi.

Sipas tij, “të gjitha këto veprime që janë në shkelje të plotë të vendimeve të Kuvendit të 11 Dhjetorit po çojnë në mënyrë të qëllimshme drejt shkatërrimit të plotë të PD, gjë të cilën e kam paralajmëruar që shumë kohë”.

?Nëse Këshilli Kombëtar i sapozgjedhur nuk reagon ndaj kësaj situate të cënimit të rregullave bazë të demokracisë, s’bën asgjë tjetër veçse vërteton akuzat se janë njerëz të emëruar si shpërblim për servilizmit të ofruar.

Pas ndalimit të revanshit antidemokratik të Lulit ka ardhur koha që demokratët të ndalin revanshin antidemokratik të Berishes.

Ju kujtoj se revanshe të tilla i shërbejnë shkatërrimit të PD dhe mbajtjes në pushtet të sistemit oligarko- mafioz të Ramës.?-shkruan Ibsen Elezi./CNA.al