web counter
LEXO PA REKLAMA!

SHKARKO APP

App Store
Google Play

Akuzat për dhunë ndaj 31-vjeçarit në Kavajë/ Gledis Nano vihet në lëvizje

4 Maj 2022, 19:34, Kronika CNA

Policia e Shtetit është vënë menjëherë në lëvizje pas vetëvrasjes së të riut me iniciale I.M. në komisariatin e Kavajës pas akuzave për dhunë fizike nga ana e bluve ndaj 31-vjeçarit.

Mësohet se drejtori i Përgjithshëm i Policisë së Shtetit Gledis Nano ka dërguar menjëherë në Kavajë një grup inspektimi, për të verifikuar nëse janë zbatuar ose jo procedurat standarde për sigurinë e personave të shoqëruar, të arrestuar dhe të ndaluar.

Raportohet se veprimet hetimore po kryhen nga një grup i posaçëm hetimor i Agjencisë për Mbikëqyrjen Policore, nën drejtimin e Prokurorisë pranë Gjykatës së Rrethit Gjyqësor Kavajë dhe se Policia e Shtetit nuk është pjesë e këtij hetimi.

?Lidhur me ngjarjen e ndodhur sot, në Komisariatin e Policisë Kavajë, ku në dhomat e sigurisë u gjet pa shenja jete, shtetasi I. M., i dyshuar si i vetëvarur, i cili ishte ndaluar mesditën e sotme, informojmë se:

Drejtori i Përgjithshëm i Policisë së Shtetit Gledis Nano ka dërguar menjëherë në Komisariatin e Policisë Kavajë, një grup inspektimi, të përbërë nga specialistë të Departamentit të Sigurisë Publike dhe të Drejtorisë së Standardeve Profesionale, për të verifikuar nëse janë zbatuar ose jo procedurat standarde për sigurinë e personave të shoqëruar, të arrestuar dhe të ndaluar nga ana e Komisariatit të Policisë Kavajë.

Veprimet hetimore po kryhen nga një grup i posaçëm hetimor i Agjencisë për Mbikëqyrjen Policore, nën drejtimin e Prokurorisë pranë Gjykatës së Rrethit Gjyqësor Kavajë.

Policia e Shtetit nuk është pjesë e këtij hetimi.

Policia e Shtetit mbetet e angazhuar dhe e interesuar për zbardhjen dhe dokumentimin e plotë ligjor të ngjarjes?, thuhet në njoftim./ CNA.al





Lajmet e fundit nga