E fundit!

18:05 Aktualitet

Miratohet nisja e negociatave për heqjen e roaming me BE, së shpejti tarifa të njëjta kur udhëtoni

Këshilli Europian njoftoi sot miratimin e hapjes së negoci...

GJKKO i konfiskoi pronat/ Nga apartamente e biznese, tek automjete e llogari bankare, ja pasuria e deputetit të PD

3 Maj 2022, 15:00, Aktualitet CNA

Gjykata e Posaçme Kundër Krimit të Organizuar dhe Korrupsionit me kërkesë të SPAK ka konfiskuar 22 nga 25 prona të familjes Mahmutaj në Berat.

Objekt i OFL ka qenë Gazment Mahmutaj, vëllai deputetit Kasem Mahmutaj. Deputetit i është konfiskuar një shtëpi, një makine dhe një truall.

Por kush është pasuria e deputetit të PD?

CNA.al ka zbardhur deklarimin që ka bërë Kasem Mahmutaj pranë ILDKPI.

Sipas të dhënave, ky i fundit disponon një truall me sipërfaqe 147 metra katrorë, në të cilin është 50% pjesëtar me vlerën 169.200 lekë. Si burim krijimi për këtë pasuri janë deklaruara të ardhura familjare dhe nga emigracioni. Deputeti i PD gjithashtu deklaron një tjetër pasuri të llojit pallat në Berat me një sipërfaqe prej 88 metra katrorë dhe me një vlerë totale prej 1.330.000 lekë. Për këtë pasuri, ai deklaron të ardhura familjare dhe emigracionin.

Mahmutaj disponon edhe katër apartament në Berat, me sipërfaqe totale 252.8 metra katrorë dhe vlera e tyre arrin në 1.602.285 lekë.

Demokrati gjithashtu deklaron edhe një pasuri të llojit ?Arë? me sipërfaqe 1000 metra katrorë me vlerë 200.000 lekë dhe një pasuri tjetër që është truall+banesë 2-3 kate+lokal, sipërfaqja e të cilës shkon 129.30 metra katrorë dhe me një vlerë prej 15.000.000 lekë.

Por deputeti i PD nuk ka vetëm kaq. Ai disponon edhe automjete, biznes apo llogari bankare.

Sipas deklarimeve në ILDKPI, ai disponon dy automjete, një ?Fuoristradë? dhe një ?autoveturë?, ku çmimi i të parës shkon 7000 euro kurse e dyta 3000 euro.

Ndërsa deklaron edhe një biznes bar-kafe në qytetin e Beratit.

Kasem Mahmutaj deklaron edhe llogari bankare.

Në një bankë të nivelit të dytë ai disponon 5089.05 lekë, ndërsa arka në lek si gjendje cash deri në datën 08.09.2021 ka qenë 475.000 lekë.

Deputeti ka edhe disa detyrime financiare për të shlyer, siç janë marrja e një kredie dhe borxh me vlerën 8 mijë euro.

Pasuria e deputetit Kasem Mahmutaj:

Truall me sipërfaqe 147 metra katrorë

Pallat në Berat me një sipërfaqe prej 88 metra katrorë

Apartament me sipërfaqe 41.4 metra katrorë

Apartament me sipërfaqe 41.1 metra katrorë

Apartament me sipërfaqe 64 metra katrorë

Apartament me sipërfaqe 106 metra katrorë

Arë me sipërfaqe 1000 metra katrorë