E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Nuk u zgjodh anëtar i Këshillit Kombëtar/ Mjeku Allkja: Uroj mos të jetë hipokrizi

2 Maj 2022, 14:09, Politikë CNA

Mjeku i njohur Ilir Allkja ishte një nga emrat kandidat për anëtar të Këshillit Kombetar të PD-së.

Pas numërimit, Allkja nuk ishte pjesë e listës fituese prej 150 emrash, ndërsa ka pasur edhe një reagim për këtë.

Në një postim në rrjetin social Facebook, ai shkruan se beteja e tij për fjalën e lirë nuk arritën dot të bindnin delegatët, të cilët sipas tij para votimit e kishin takuar dhe i kishin premtuar se do e mbështesnin.

Allkja thekson më tej se është i bindur që votuesit dhe numëruesit kanë qenë plot njerëz pa profil publik, pa kontribute, e madje edhe nga ata që kanë punuar kundër interesit të opozitës e madje kanë bashkëpunuar me Ramën.

?Uroj mos jetë hipokrizi!

Kuvendi kombëtar i PD më kujtoi një rrëfim të profesorit të ndjerë të anatomisë patologjike Pëllumb Bitrit.

Profesor Bitri doktoraturën e kishte mbrojtur në Moskë. Pas prishjes së marrëdhënieve me Rusinë, komiteti qendror i partisë punës (sot PS) i kishte rrëzuar gjithë titujt shkencorë të mbrojtur atje.

Kohë më vonë tek sa po mbronte titullin para një komisioni me mjekë shqiptar, aspak kopetentë në fushën e anatomopatologjisë, disa anëtarë të komisionit e kishin uruar, përqafuar, dhe …. votuar kundër !

Në kuvendin e datës 30 prill, në ambjentet e Pallatit Kongreseve, më kontaktuan pafundësisht delegatë, të cilët më përgëzuan, uruan e madje më premtuan votën, pa jua kërkuar.

Në fakt rezultoi se unë nuk isha në listën fituese të këshillit kombëtar të PD, dhe nuk e vuaj aspak këtë.

Nuk po arrij të kuptoj nëse më gënjyen dhe përse duhej ta bënin, ndërsa kjo puna e numërimit të votave është ç’shenjtëruar me kohë, e duhen dekada të marrë nderin e humbur.

Ndoshta betejat e mia publike, për fjalën e lirë nuk i bindën dot as delegatët e ndoshta as numëruesit .

Bindës për votuesit e numëruesit kanë qenë plot njerëz pa profil publik, pa kontribute, e madje edhe nga ata që kanë punuar kundër interesit të opozitës e madje kanë bashkëpunuar me Ramën.

Urime fituesve!?, shkruan mjeku Ilir Allkja./CNA.al