web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi i “Rithemelimit”/ Bumçi: Vota e anëtarëve do të përcaktojë karrierën e lidershipit të PD-së

30 Prill 2022, 17:56, Politikë CNA

Anëtari i Komisionit të Rithemelimit Aldo Bumçi ka analizuar zhvillimet e fundit në Kuvendin Kombëtar të PD-së ditën e sotme.

Bumçi theksoi se ky kuvend është vendosja e themeleve që do ndërtohet ky projekt i ri, ku vota e anëtrëve do të përcaktojë karrierën e lidershipit të PD-së.

?Është vendosja e themeleve që do ndërtohet ky projekt i ri pasi PD nuk është parti e re. Këto themele janë vota e anëtarëve të PD-së pasi nuk ka më që karriera të përcaktohet nga lartë, por karriera përcaktohet nga anëtarët e PD-së.

Tashmë nuk është më në letër por është fakt i vërtetuar me zgjedhjen e 6 kandidatëve që garuan në zgjedhjet lokale por edhe me zgjedhjen e 70 kryetarë degësh  ku morën pjesë 40 mijë anëtarë. Sot kanë një votë nga e gjithë anëtarësia çfarë i shton edhe autoritetin dhe përfaqësimin. Po i njëjti kriter do të përdoret edhe për kandidaturat e tjera në të gjitha nivelet. Është një frymëmarrje tjetër dhe jo karriera që vendosen nga vullneti i një personi.

Parimet dhe vlerat mbi të cilat është bazuar, janë vlerat konservatore, një parti e qendrës së djathtë që beson te zoti, te familja, te prona te një qeveri e vogël jo thjesht në numra, me taksa dhe kompetenca të kufizuara.

Këto janë themelet e një partie që ndërtohet mbi votën e lirë të anëtarëve të saj dhe këto parimet dhe kritere do të jenë edhe në qeverisje. Qeveri e vohgël taksa të ulëta dhe kthimi i vëmendjes te familja.

Gjatë qeverisjes sonë, e kemi treguar me fakte të pranuara nga INSTAT i Ramës se në vitet 2009-2013 popullsia e Shqipërisë është rritur me 134 mijë emigrantë që u kthyen për të jetuar në Shqipëri?, tha ai./CNA.al

 





Lajmet e fundit nga