E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Me semafor të kuq dhe shpejtësi rrugëve të Tiranës/ Shoferi i droguar sherr me policët

27 Prill 2022, 08:05, Kronika CNA

Policia Rrugore e Tiranës ka vënë në pranga një tjetër shtetas që drejtonte mjetin.

Bëhet fjalë për 31-vjeçarin me inciale A.S., i cili ka kundërshtuar me dhunë punonjësit e Policisë Rrugore dhe ka tentuar të largohet, por është vënë në pranga.

Menjëherë pas publikimit në rrjetet sociale të një video-je, në të cilën një automjet qarkullonte me shpejtësi duke shkelur semaforin, në bulevardin ?Bajram Curri?, efektivët e Komisariatit Rajonal të Policisë Rrugore Tiranë, kanë evidentuar dhe ndaluar automjetin.

Në momentin e ndalimit drejtuesi i automjetit tip ?Audi?, është konstatuar se drejtonte automjetin pa vendosur rripin e sigurimit.

Gjatë kryerjes së veprimeve policore, drejtuesi i mjetit, shtetasi A. S., ka refuzuar t?ia paraqesë dokumentacionin e kërkuar oficerit të Policisë, si dhe ka kundërshtuar, me dhunë shoqërimin në organet e Policisë, duke manifestuar sjellje agresive dhe të dhunshme në raport me kërkesat ligjore te punonjësve të Policisë Rrugore. Ai ka kundërshtuar efektivët e Policisë, edhe për të bërë testin e alkoolit.

Në këto kushte është neutralizuar drejtuesi i mjetit dhe pas shoqërimit të tij, në ambientet e Komisariatit të Policisë Nr. 2, ai është testuar me aparatin drogë-testues dhe ka rezultuar se e drejtonte automjetin nën efektin e lëndëve narkotike.

Në përfundim të veprimeve procedurale, u bë arrestimi në flagrancë i këtij shtetasi, për veprën penale ?Drejtimi i automjeteve në mënyrë të parregullt?.

Gjithashtu, këtij shtetasi iu pezullua leja e drejtimit për 24 muaj, iu zbritën 15 pikë nga leja e drejtimit dhe iu vendos masa administrative 89.000 lekë të rinj, për shkeljen e nenit 185 ?Drejtimi i mjetit nën efektin e lëndëve droguese?, të parashikuar nga Kodi Rrugor. Kjo shkelje u provua pas matjes me aparatin drogë-testues, të markës ?AquilaScan?.

Ndërkaq, kujtojmë se ky është rasti i tretë, brenda dy javëve, gjatë të cilit Policia Rrugore e Tiranës arreston në flagrancë drejtues mjetesh që përdorin mjetet nën efektin e lëndëve narkotike./ CNA.al