web counter
LEXO PA REKLAMA!

SHKARKO APP

App Store
Google Play

E fundit!

x

Ançeloti i pakënaqur pas duelit me Sitin, ja deklarata e tij

27 Prill 2022, 06:34, Sport CNA

Karlo Ançeloti është shfaqur mjaft i pakënaqur pas humbjes së skuadrës së tij me shifrat 4-3 përballë Mançester Sitit. Trajneri i Real Madrid kritikoi hapur mbrojtjen e cila sipas tij nuk kishte bërë mirë në këtë duel duke i lejuar shumë raste e gola kundërshtarëve.

?Nga ana jonë, dolëm nga kjo ndeshje me një rezultat që nuk është i mirë, pasi kemi pësuar katër gola. Nuk mbrojtëm mirë. Kur kishim topin i krijonim probleme, por ajo që duhet të bëjmë është të mbrohemi më mirë. Ku është një rezultat që mund të ndryshojë në ndeshjen e kthimit, është një ekip shumë i fortë, e tregoi edhe sot. Por ne konkurruam denjësisht, çelësi për të kaluar në finale është të mbrojmë mirë.

Nuk mund të mbulosh një pozicion me katër mbrojtës, duhet të vendosësh edhe një mesfushor. Kishte humbje duelesh individuale, të dy qendrat, duhet të tregohemi më të vëmendshëm. Kishim mundësi kur zotëronim topin, vuajtëm pak që të nxirrnim topin. Por duhet të kemi besim në vetvete.

Penalltia e Benzema? Asnjëherë nuk jemi menduar që të ndryshojmë atë që gjuan penalltitë, kemi besim të plotë. Ai ndryshoi mënyrë gjuajtje pasi tani po e prisnin të gjithë të gjuante në të djathtë ndaj e dërgoi në qendër. Gjithçka në rregull, çfarë të them! Shpresojmë te ?Bernabeu?, te magjia e ?Bernabeut?.

Mançester Siti është një skuadër që luan shumë mirë, gjëja e keqe është që na ka shënuar katër. Gjëja e mirë është që i kemi shënuar 3.

A do ketë festë? Nëse do të jemi në gjendje të fitojmë titullin, sigurisht që do të festojmë dhe do të na ndihmojë për ndeshjen e të mërkurës?, tha i bindur Ançeloti para gazetarëve.





Lajmet e fundit nga