E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Lorenc Jemini: Në Korçë gaboi gjyqtari, VAR-i dhe Gega…

26 Prill 2022, 13:26, Sport CNA

Ish-gjyqtari ndërkombëtar, Lorenc Jemini, ka folur rreth ndeshjes më të diskutuar të kësaj fundjave në Kategorinë Superiore, atë mes Skënderbeut dhe Egantias. Sfida është mbyllur me protestat e skuadrës së Skënderbeut dhe me trajnerin Gega që ka akuzuar gjyqtarin Kridens Meta për mënyrën se si ka drejtuar në episodet kyçe.

Jemini ka bërë në ?Procesi Sportiv? moviolën e sfidës dhe sipas tij, gabimet kanë qenë të shumta në të gjitha drejtimet.

?Rasti i parë është kartoni i kuq i Berishës dhe mendoj se ka gabuar që në fillim gjyqtari që i ka dhënë të verdhë. Duhej t?i jepte të kuq. VAR-i ka ndërhyrë se do të ishte gabim të mos i jepte të kuq, pasi është faull brutal.

Rasti i Agbekpornu që kap topin me dorë, mendoj se kjo është penallti. Sepse lojtari i Egnatias e shikon topin kur bie dhe ka mundësi totalisht ta evitojë, por e kap që topi të mos vazhdojë rrjedhën që të mos i dalë lojtarit të Skënderbeut. Problemin më të madh këtu në Korçë e kishin pse këtu nuk ndërhyn VAR-i, por ai ndërhyn vetëm kur është bardh e zi. Kjo quhet çështje interpretimi dhe nuk ka ndërhyrë.

Një rast tjetër është një ndërhyrje e rëndë e Zguros (ndaj Delarzh) e nuk e kuptoj. Këtu gabon arbitri, VAR-i e Gega bashkë që thotë??, tha Jemini.