E fundit!

17:06 Sociale

Ndryshon moti në korrik/ Stuhia e madhe i afrohet Ballkanit

E gjithë Europa Jugore do të përballet gjatë kësaj jave me...

Rrugorja bën “kërdinë” me gjoba/ Aplikohet për herë të parë testi i drogës për drejtuesit e mjeteve

24 Prill 2022, 08:01, Aktualitet CNA

Policia Rrugore ka vendosur 17.423 masa administrative dhe janë goditur 10 raste të korrupsionit aktiv ndaj punonjësve që ushtrojnë funksione publike, shumica nga Policia Rugore e Tiranës.

Gjatë javës janë pezulluar 547 leje drejtimi dhe janë arrestuar 49 drejtues mjetesh për shkelje të rregullave të qarkullimit.

Gjithashtu për herë të parë është aplikuar testi i drogës tek drejtuesit e mjeteve, ku 2 persona janë arrestuar pasi drejtonin makinën nën efektin e drograve të forta.

“Gjatë kësaj jave janë pezulluar 547 leje drejtimi, nga të cilat: 435 për tejkalim shpejtësie, 88 për drejtim mjeti nën efektin e alkoolit apo në gjendje të dehur dhe 51 për qarkullim në sens të kundërt.

Janë arrestuar 49 drejtues mjetesh, nga këta: 35 për drejtim mjeti në gjendje të dehur dhe 14 për drejtim mjeti pa leje drejtimi.

Janë vendosur 17.423 masa administrative dhe janë goditur 10 raste të korrupsionit aktiv ndaj punonjësve që ushtrojnë funksione publike, shumica nga Policia Rugore e Tiranës.

Për herë të parë, nga Policia Rrugore e Tiranës është aplikuar testi i drogës dhe janë vënë në pranga 2 drejtues mjetesh që drejtonin mjetin, nën efektin e drogave të forta.

Gjatë kësaj jave janë kapur 18 persona në kërkim, nga të cilët 8 në kërkim kombëtar dhe 10 në kërkim ndërkombëtar.

Janë proceduar në gjendje të lirë 16 persona për veprën penale ?Kalimi i paligjshëm i kufirit?, 7 persona për ?Ndihma për kalim të paligjshëm të kufijve”, 5 për ?Falsifikimi i dokumenteve?, 2 për ?Trafikimi i narkotikëve? dhe 1 person për ?Mosdeklarimi i të hollave në kufi?.

Gjithashtu janë goditur 3 raste të mitëdhënies.

Edhe në javët në vijim, Policia e Shtetit do të vijojë me vendosmëri kontrollin e imtësishëm të territorit, me qëllim parandalimin e kultivimit të bimëve narkotike, për kapjen e personave në kërkim e atyre që qarkullojnë me armë zjarri, personave që tentojnë të ushtrojnë veprimtari kriminale në fushën e trafikimit dhe shpërndarjes së lëndëve narkotike apo kontrabandimit të emigrantëve nga vendet e treta.

Policia e Shtetit është e vendosur për të parandaluar dhe goditur krimin dhe paligjshmërinë në tërësi, si dhe krimin e organizuar në veçanti.

Denonconi në numrin pa pagesë 112 dhe në Komisariatin Dixhital, çdo rast të paligjshmërisë!”, njofton policia./ CNA.al