E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

“Prokurorja e hekurt” rrëfen peripecitë/ Elisabeta Imeraj nuk i trembet as tritolit

22 Prill 2022, 15:54, Politikë CNA

Kryeprokurorja e Tiranës Elisabeta Imeraj, është konsideruar si ” prokurorja e hekurt’, duke qenë se ka hetuar dhe dërguar para drejtësisë kokat e krimit.

Dy ditë më parë, Imeraj paraqiti konkluzionet përfundimtare në Kolegjin e Posaçëm të Apelimit.

Gjatë fjalës përmbyllëse, kryeprokurorja rrëfeu se si i është dashur të merret me çështje sensitive dhe të rrezikshme pa hezituar dhe duke realizuar me sukses detyrën.

?Kam hetuar çështje të ndryshme dhe jam hasur me sulme të ndryshme, duke përfshirë dhe ato politike, ku në periudha të ndryshme kohore për shkak hetimesh janë përpjekur dhe të më intimidojnë për shkak të origjinës time nga Tropoja, janë përpjekur të vendosin sa në një rrymë politike apo në tjetrën, janë përpjekur të më trembin në mënyra të ndryshme, por në fakt ja kam arritur që të jem e pacenueshme dhe jo sepse jam e fortë, apo dhe e pandjeshme, por sepse jam dhe mundohem te zbatoj gjithmonë të drejtën?, është shprehur ajo.

Gjithashtu kryeprokurorja tregoi sesi i është dashur të marrë në dorë çështje që kolegët e saj kanë refuzuar t?i shqyrtojnë duke i thënë se nuk do të rrezikojnë që ndonjëri t?i vërë tritol në banesë.

Pavarësisht se prokurorët e tjerë kanë hequr dorë nga frika, Imeraj ka vërtetuar se nuk i trembet as tritolit kur bëhet fjalë për punën.

?Unë nuk mundet të pasqyrohem në sytë tuaj, si prokurori që nuk përmbush kriterin profesional pasi kam kaluar për kompetencë me të drejtë në këndvështrimin tim, dy çështje, vendimmarrja për të cilat është ushtruar dhe nga institucione të tjera, pasi nuk është ashtu:

– Jam prokurori që kam dërguar përgjatë viteve në gjykim thuajse 160 të pandehur dhe mundem të kem marrë 2 dy apo 3 tre pafajësi.

– Jam prokurori që kam ndjekur çështje të rëndësishme dhe sensitive në opinionin publik.

– Kam hetuar politikanë, zyrtarë në nivele të larta, anëtarë të krimit të organizuar, terroristë etj.

Ky prokurori jam unë, ky prokurori që kam bërë shumë seanca gjyqësore me 9 nëntë të pandehur për terrorizëm, dhe me sallën e mbushur plot me përkrahës së tyre.

Jam ky prokurori që kam hetuar dhe përfaqësuar në gjykim çështjen ?Shullazi?, atë çështje, për të cilën me largimin tim nga detyra e prokurorit në Prokurorinë e Krimeve të Rënda, askush nuk pranonte të konkludonte duke luajtur rolin e përfaqësuesit të akuzës për të dhënë konkluzionet përfundimtare.

Ai prokurori qe shprehu gatishmërinë për të përfaqësuar akuzën në gjyq në emër të shtetit për një çështje të tillë, dhe në kushtet kur mbi 10 prokurorë nuk pranuar të përfaqësonin akuzën.

Ata prokurorë nuk pranuan të marrin çështjen në fjalë pasi ekzistonte një perceptim të cilin po e ilustroj vetëm me një citim e thënë nga një nga prokuroret: ?skam se përse pres ndonjë tritol tek shtëpia….??.

Jam Drejtuesi i Prokurorisë që përkushtohem në maksimum për të bërë të mundur bashkëpunimin dhe bashkërendimin ndërinstitucional me qëllim të mirën e punës.

E ndërsa si individ, jam mamaja e dy fëmijëve të mi, që vrapoj pas tyre në çdo minutë të kohës time të lirë, për t?i mësuar, për t?u përkujdesur e për t?i edukuar duke ju falur dashuri pafund.

Jam bija e tim eti, që vrapoj pas tij në çdo moment. Jam bija e sime mëje dhe përballojmë bashkë sfidën e madhe të sëmundjes së rëndë që po kalon që nga viti 2019.

Kjo jam UNË të Nderuar!

Krejt e ndryshme nga ajo që rezulton nga denoncuesi i rremë Rrahim Shehu, Valentino Ymeri apo qytetarja me emrin E.F etj.

Unë nuk jam dhe kurrsesi nuk mundet të jem prokurori apo individi që bën përgjime, apo shantazhe në kundërshtim me ligjin, sepse ky individi nuk jam UNË, nuk e kam menduar ndonjëherë dhe më duket absurde ta dëgjoj.

Ndaj më lejoni të tregoj veten time, punën time, dhe çdo gjë timen ashtu siç jam unë, më lejoni të paraqes provat për të konkluduar se UNË jam kështu, siç fëmijët më njohin, siç familjarët më njohin, siç kolegët ku punoj më njohin dhe siç komuniteti ku jetoj më njeh?, theksoi Imeraj ndër të tjera./ CNA.al