web counter
LEXO PA REKLAMA!

SHKARKO APP

App Store
Google Play

E fundit!

x

Debate në PD për platformën/ Alibeaj anulon daljen për mediat

15 Prill 2022, 19:00, Politikë CNA

Deputeti i PD-së Enklejd Alibeaj, ka hartuar një platform për bashkimin e demokratëve. Platforma nuk është bërë publike prej tij, por nga media të ndryshme, duke iu referuar burimeve.

Nuk dihet pse e ka mbajtur sekret Alibeaj këtë platformë dhe e shpërndan si burim, por në të thuhet se parashtrohen disa opsione për zgjidhjen e krizës dhe bashkimin e Partisë Demokratike.

Por kjo platformaë ka sjellë debate në radhës e demokratëve.

Sipas Alibeajt, PD duhet të anulojë vendimet e përjashtimeve dhe pezullimeve të kryesisë së PD pas protestës së 8 janarit, duke kthyer në grupin demokrat deputetët, pork jo nuk do të vlejë për ish kryeministrin Sali Berisha, pasi për Alibejan ai nuk është pjesë e PD që prej 9 Shtatorit.

Gjithashtu Alibeaj njoftoi pasditen e të premtes një dalje për mediat me bindjen se deputetët do ta mbështesnin platformën e hartuar prej tij, por kjo nuk ka ndodhur. Përmes komunikimeve telefonike, disa deputetët i kërkuan Alibeajt anulimin e firmave të tyre për platformën, duke insistuar që më shumë se sa Berisha, bashkimi duhet të vij përmes anulimin të proceseve zgjedhore të nisura dhe anulimin të Kuvendit të 30 prillit.

Bëhet me dije se mes Alibeaj dhe Ervin Salianjit ka patur një komunikim të tensionuar. Salianji i ka thënë Alibeajt që si nënkryetar grupi nuk mund të njoftohet në momentet e fundit për platformën. Gjithashtu Salianji ka kërkuar bashkimin e demokrateve dhe jo krijimin e artificave që i ndajnë ata në dy parti.

Pas mungesës së dakordësisë me pjesën më të madhe të deputetëve, Alibeaj vendosi të anulojë daljen për mediat./ CNA.al





Lajmet e fundit nga