web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Berisha “kryqëzon” Engjëll Agaçin

15 Prill 2022, 10:15, Politikë CNA

Ish-kryeministri Sali Berisha ka dalë sot në një konferencë për mediat, ku ka vijuar të hedhë akuza të forta në drejtim të Rilindjes

Po ashtu Berisha është ndalur edhe tek afera e inceneratorëve, ku ka hedhur akuza në drejtim të Sekretarit të Përgjithshëm të Kryeministrisë, Engjëll Agaçi.

“Gjithçka në kuvend u bë që të mbulohej me retorikë, me dengje kashte, flakët e inceneratorëve. Të mbulohej kjo aferë, me të cilën që nga Edi Rama deri te vartësit e Alqi Bllakos dalin para jush si një organizatë kriminale, që ka vjedhur qindra milionë dhe do vidhnin qindra të tjerë. Vetëm në një aferë.

Nuk u tha asnjë fjalë se përse Edi Rama si kreu i organizatës mafioze të inceneratorëve firmosi kontratën me negocim të mbyllur. Kjo do të thotë negocim në shpellat e mafies. Zyra e kryeministrit është shndërruar në shpellë. Ajo lejon kontratën me negocim të mbyllur. Sepse kryejuristi i organizatës kriminale, Agaçio, që lumturon bosët e mafias me dhjetëra e dhjetëra hektarë tokë, në vend që të respektonte Kushtetutën dhe të thoshte se kjo nuk mund të firmoset, argumenton se kjo është legjitime.? -tha Berisha.

Po ashtu Berisha tha se “Ata që kanë pasur ndonjë vërejtje apo dyshim se po abuzohet duke e quajtur SPAK-un, si SPAK i partisë, u gjetën në mënyrë të zhgënjyer. Në mënyrë të përsëritur, Edi Rama, kreu i organizatës, u deklaroi shqiptarëve se SPAK është vepër i PS, është fëmija e saj, pjellë e saj dhe këtë duhet ta dijë Shqipëria dhe bota.

Në diktaturë, ju nuk keni jetuar, por institucionet si prokuroria, gjykatat, policia, ushtria, quheshin armë të partisë. Ekzakt kjo që u them unë. Armë në duart e partisë. Armë në duart e diktaturës së proletariatit. Këtë herë nuk është më diktaturë e proletariatit. Këtë herë flitet për armë të PS apo të narkoshtetit.

Kreu i organizatës kriminale ngarkoi me detyrë SPAK-un e partisë duke i thënë që e dua Sali Berishën në burg dhe në djall opozitën. Në historinë 30-vjeçare të këtij vendi, kuvende të  tilla edhe Partia e Punës ka zhvilluar, por kaq të paskrupullt, kaq të hapura, përpiqej që të maskonte diçka”./CNA.al





Lajmet e fundit nga