web counter
LEXO PA REKLAMA!

SHKARKO APP

App Store
Google Play

“Pres veprimin e drejtësisë së re”/ Kryemadhi: Tirana lavatriçe e pastrimit të parave

12 Prill 2022, 16:49, Politikë CNA

Kryetarja e Lëvizjes Socialiste për Integrim, Monika Kryemadhi, në një takim me delegatët e Tiranës të Koventës Kombëtare, ka folur mes të tjerash edhe për çështjen e inceneratorit të Tiranës.

Ajo tha se Tirana është kthyer në lavatriçe të pastrimit të parave të pista, e çdo vit Raportet Ndërkombëtare, me në krye Departamentin e Shtetit, e rendisin Shqipërinë si një vend ku pastrohen paratë e pista të krimit përmes sektorit të ndërtimit.

?Gjërat në Tiranë po shkojnë në drejtimin e gabuar, kur është faktuar qartë sesi Kryetari i Bashkisë Tiranë hedh firmën pa pyetur Këshillin Bashkiak, duke ndryshuar fatin e realizimit të koncesionit 30 vjeçar të inceneratorit të Tiranës. Këtë gjë e ka bërë në bashkëpunim me shokun e ngushtë Bllako, të cilit i garantoi edhe një vend të sigurtë në listën e kandidatëve për deputet të Tiranës.

Një kontratë tërësisht korruptive, që ministra e zyrtarë të PS e kanë parë si plani financiar për të siguruar brezat e tyre për 30 vite, duke vjedhur taksat e qytetarëve të Tiranës, dhe bashkive të tjera të qarkut Tiranë?, është shprehur ajo.

Kryemadhi ka pyetur se përsee kryeministri Edi Rama nuk ka ndaluar pagesat ndaj kompanisë së inceneratorit të Tiranës, që pronarët i ka në arrati se i kërkon SPAK-u për dy inceneratorët e tjerë, ndërkohë që Tirana nuk ka fare incenerator.

?Unë mbetem ende në pritje të drejtësisë së re për rastin e koncesionit 30 vjecar të inceneratorit të Tiranës?, është shprehur ajo./ CNA.al

 

 





Lajmet e fundit nga