E fundit!

10:01 Kronika

Armë, kokainë dhe kanabis në zonat bregdetare/ Arrestohen dy persona

Policia e Vlorës ka finalizuar operacionin e koduar “Sigur...

VIDEO/ Spektakël dhe “luftë” për një pikë në “Etihad Stadium”, VAR u heq fitoren nga duart “Qytetarëve”

10 Prill 2022, 17:35, Sport CNA

Është mbyllur në barazim 2-2 supersfida mes Manchester Cityt dhe Liverpool, takim që u luajt në ?Etihad Stadium?. Një sfidë e luftuar rezultoi mes të dyja skuadrave të cilat arritën të shënonin plot 4 gola, por në fund asnjëra nuk do festonte dhe gara për titullin kampion në Premier League vazhdon të ngelet e hapur, teksa ?Qytetarët? udhëheqin me një pikë më shumë se ?The Reds?.

Supersfida në ?Etihad Stadium? u zhbllokua që në minutën e 5-të kur Kevin De Bruyne do të ndëshkonte të besuarit e Jurgen Kloop. Festa e gjitha në kampin e Guardiolës dhe në shkallët e stadiumit.

Kjo sfidë u parashikua të ishte e luftuar mes të dyja skuadrat të cilat kërkojnë të ushtrojnë presion ndaj njëra-tjetrës, ndërsa shifrat do të barazoheshin në minutën e 12 me anë të Diogo Jota. Festa tashmë do të kalonte në krahun tjetër të protagonistëve.

Sulme e kundërsulmet ishin sa nga njëra gjysmëfushë në tjetrën, emocione të mëdha kur çdo lojtarë afrohej pranë portës kundërshtare.

De Bruyne do të provonte përsëri të gjente rrugën e rrjetës por të do gjente të gatshëm portierin e ?The Reds?, ndërsa nga krahu tjetër të besuarit e Klopp për pak sa nuk përfituan nga gabimi i portierit Ederson, i cili largon topin mbi vijën fatale dhe shpëton skuadrën e tij nga një autogol.

Loja për disa minuta do të përqendrohej në mesfushë me skuadrat që studionin hapësirat e lënë për të provuar të rrezikonin portën kundërshtare.

Në minutën e 27-të do të krijohej një rrëmujë në zonën e Liverpool, por ?Qytetarët? nuk përfitojnë për të dërguar topin në rrjetë.

De Bryune i afrohet golit të avantazhit përsëri në minutën e 29-të pas asistit të dhënë nga Foden, por goditja e lojtarit belg shkon jashtë kuadradit të portës të mbrojtur nga Alisson.

Vertikalizim mjaft i bukur për Joao Cancelon 35?, që gjuan menjëherë, por topi devijohet nga Matip dhe përfundon në këndore për Manchester City-n.

Manchester City gjen sërish avantazhin dhe është braziliani Gabriel Jesus, që niset nga limitet e pozicionit jashtë loje, për të mposhtur për herë të dytë patriotin e tij, Alisson Becker.

44? kundërsulm perfekt i Liverpoolit, me Diogo Jotën që e pa veten i vetëm përballë portierit, por injoroi Salah në anën tjetër dhe u vonua në goditje, duke i dhënë mundësi Laporte t?i bëjë një ndërhyrje vendimtare.

Sadio Mane rikthen baraspeshën në minutën e 46-të. Pjesa e dytë nis ?zjarr? në ?Etihad Stadium?, me Liverpoolin që shënon golin e barazimit me Sadio Mane, pas vetëm pak sekondash në fushë.

Gabriel Jesus bën gjithçka mirë në zonën kundërshtare, duke dribluar disa kundërshtarë, por goditja e tij përplaset në trupin e Van Dijk, që shpëton portën e Liverpoolit.

Pranë golit të tretë Liverpool. Diogo Jota devijon drejt portës një krosim të ardhur në zonë, por fluturon portieri Ederson, duke i ndryshuar udhë topit dhe shpëtuar portën e tij. Nis vrullshëm pjesa e dytë për ?The Reds?.

VAR në minutën e 63 do t?i prishte festën Raheem Sterling, i cili niset i vetëm përballë portierit Alisson dhe këtë herë nuk fal më, pasi kalon topin poshtë këmbëve të brazilianit dhe e dërgon në rrjetë, por për pak milimetra është cilësuar pozicion jashtë loje.

Salah hyn në zonë 71? dhe godet me të majtën, por Aymeric Laporte devijon aq sa duhet, për ta nxjerrë jashtë. Protestojnë ?The Reds?, pasi arbitri Taylor nuk e sheh devijimin dhe akordon vetëm rivënie fundore.

Manchester City do të pëgjigjej me Gabriel Jesus, i cili nuk kroson për shokët e skuadrës por gjuan vetë, teksa gjen vetëm rrjetën e jashtme të kuadradit të portës së Alisson.