web counter
LEXO PA REKLAMA!

SHKARKO APP

App Store
Google Play

Kuleba në samitin e NATO-s në Bruksel/ “Na ndihmoni tani ose shumë do të vdesin”

7 Prill 2022, 14:13, Kosova & Bota CNA

Ministri i Jashtëm i Ukrainës, Dmytro Kuleba në në samitin e NATO-s në Bruksel, ka akuzuar vendet të cilat vijojnë të blejnë gazin rus se janë duke mbështetur luftën në Ukrainë duke mbështetur financiarisht Rusinë.

Ai shtoi se sanksionet kanë pasoja negative afatgjata dhe afatmesme për ekonominë ruse, por thekson se njerëzit po vdesin tani, ndaj i quajti  masat e marra deri tani të pamjaftueshme.

Kuleba i bën thirrje NATO-s që të marrë vendime të shpejta në lidhje me vendosjes se cila është mënyra më e mirë për të ndihmuar në ndalimin e forcave të Presidentit Putin.

?Ose ju na ndihmoni tani, dhe unë po flas për ditë jo javë, ose ndihma juaj do të vijë shumë vonë dhe shumë njerëz do të vdesin, shumë civilë do të humbasin shtëpitë e tyre, shumë fshatra do të shkatërrohen, pikërisht sepse kjo ndihmë erdhi shumë vonë”, tha ai teksa shtoi se mizoritë e parë në Bucha dhe pjesë të tjera të Ukrainës veriore të pushtuara së fundmi nga forcat ruse janë “vetëm maja e ajsbergut” të krimeve të supozuara të luftës të kryera nga ana e Putinit.

?Situata është shumë, shumë më keq në Mariupol. Për të parandaluar më shumë Buchas, ne duhet të flasim dhe të shohim se si mund t’i japim fund kësaj lufte?, shton ai./ CNA.al





Lajmet e fundit nga