web counter
LEXO PA REKLAMA!

SHKARKO APP

App Store
Google Play

E fundit!

x

BE paketë të re sanksionesh ndaj Rusisë/ Von der Leyen zbulon detajet

5 Prill 2022, 13:27, Kosova & Bota CNA

Presidentja e Komisionit Evropian Ursula von der Leyen, ka bërë me dije ditën e sotme se Komisioni Evropian po propozon një paketë të pestë sanksionesh kundër Rusisë, e cila synon të prerë edhe më thellë ekonominë ruse

Masat e propozuara përfshijnë një ndalim të importit të qymyrit nga Rusia me vlerë 4 miliardë euro në vit.

“Kjo do të shkurtojë një burim tjetër të rëndësishëm të të ardhurave për Rusinë”, tha von der Leyen.

Komisioni po propozon gjithashtu një ndalim të plotë të transaksioneve në katër banka kryesore ruse, mes tyre VTB, banka e dytë më e madhe ruse, si dhe një ndalim për anijet ruse për të hyrë në portet e BE-së.

?Disa sanksione do të mbulojnë gjërat thelbësore si produktet bujqësore dhe ushqimore, ndihmat humanitare si dhe energjinë. Për më tepër, ne do të propozojmë një ndalim për operatorët e transportit rrugor rus dhe bjellorusis. Ky ndalim do të kufizojë në mënyrë drastike mundësitë për industrinë ruse për të marrë mallra kyçe?, tha von der Leyen në një deklaratë.

Paketa e re e sanksioneve propozon gjithashtu ndalime të mëtejshme të synuara për eksportet në Rusi, me vlerë 10 miliardë euro, duke përfshirë teknologji të tilla si kompjuterët kuantikë dhe gjysmëpërçuesit e avancuar, por edhe makineri të ndjeshme dhe pajisje transporti, raportoi CNN.

?Ne po punojmë për sanksione shtesë, duke përfshirë importin e naftës, dhe po reflektojmë mbi disa nga idetë e paraqitura nga shtetet anëtare, të tilla si taksat ose kanalet specifike të pagesave si një llogari ruajtjeje. Është e rëndësishme të mbahet presioni maksimal ndaj Putinit dhe qeverisë ruse në këtë pikë vendimtare?, tha pajo.

Shtetet Anëtare të BE-së do të duhet të nënshkruajnë propozimin e Komisionit./ CNA.al





Lajmet e fundit nga