web counter
LEXO PA REKLAMA!

SHKARKO APP

App Store
Google Play

Lufta në Ukrainë/ Sanksionet që janë përdorur deri tani kundër Rusisë

5 Prill 2022, 11:16, Kosova & Bota CNA

Bashkimi Evropian ka gjasa të ashpërsojë sanksionet kundër Rusisë nesër – si një masë ndëshkimore për vrasjet e dyshuara të civilëve në Ukrainën veriore.

Këtu është një panoramë e vetëm disa prej masave të prezantuara më parë nga vendet perëndimore pas pushtimit, në një përpjekje për të dëmtuar ekonominë ruse, raportoi BBC.

Nafta dhe gazi

SHBA ka ndaluar të gjitha importet e naftës dhe gazit rus dhe Britania e Madhe thotë se do të heqë gradualisht importet e naftës ruse deri në fund të vitit.

BE-ja është zotuar të kalojë në furnizime alternative dhe ta bëjë Evropën të pavarur nga energjia ruse shumë përpara vitit 2030.

Sanksionimi i individëve

SHBA, BE dhe Britania e Madhe kanë sanksionuar së bashku më shumë se 1000 individë dhe biznese ruse që shihen si afër Kremlinit.

Pasuritë që i përkasin vetë presidentit Putin dhe ministrit të jashtëm Sergei Lavrov, janë ngrirë gjithashtu në një numër vendesh.

Masat e tjera

Vendet perëndimore kanë ngrirë gjithashtu asetet e bankës qendrore të Rusisë, për të ndaluar përdorimin e saj prej 630 miliardë dollarësh të rezervave të valutës së huaj.

Dhe ata kanë ndaluar eksportin e mallrave me përdorim të dyfishtë, që do të thotë artikuj me qëllime civile dhe ushtarake, siç janë pjesët e automjeteve

Në përgjigje, Putini u ka thënë vendeve “jomiqësore” që të paguajnë për importet e tyre të gazit rus në rubla, gjë që do të rriste vlerën e monedhës.

Moska mohon akuzat se forcat e saj ishin të përfshira në vrasjet e civilëve në Bucha dhe gjetkë./ CNA.al





Lajmet e fundit nga